Schavali nie tolki źmiest dakumienta, ale navat jaho nazvu.
3 červienia Ministerstva architektury i budaŭnictva pryniała pastanovu, jakoj zaćvierdziła ŭviadzieńnie ŭ dziejańnie novych budaŭničych norm SN 3.02.17-2025, jakija nabyli moc siońnia, 12 lipienia. Zamiest poŭnaha tekstu pastanovy byli apublikavany tolki vytrymki ź jaje.
Zvyčajna pastanova źmiaščaje całkam tekst zaćvierdžanaha dakumienta — u hetym možna pierakanacca, źviarnuŭšysia da pastanovy, jakoj byli zaćvierdžany papiarednija pa numaracyi budaŭničyja normy SN 3.02.16-2025 «Abjekty pachavańnia ćviordych kamunalnych adchodaŭ», — ale hetym razam jaho niama.
Taksama abzac, u jakim zvyčajna ŭkazvajecca poŭnaja nazva dakumienta, zamienieny farmuloŭkaj «dla słužbovaha karystańnia».
U abaznačeńni budaŭničych normaŭ pieršyja try ličby aznačajuć tematyčny błok, nastupnyja dźvie paradkavy numar dakumienta ŭ błoku, a ŭ kancy paznačany hod zaćviardžeńnia. Błok 3.02 uklučaje žyłyja, hramadskija i vytvorčyja budynki i zbudavańni, dobraŭparadkavańnie terytoryj — to bok amal usio, što možna ŭjavić, — tamu zdahadacca pa abaznačeńni pra pryznačeńnie budaŭničych normaŭ nie vypadaje.
Śpiecyjalisty z budaŭničaj śfiery havorać, što nie mohuć pryhadać, kali b u ahladnym minułym zaćviardžalisia budaŭničnyja normy z takoj sakretnaściu. Nieabchodnaść u novych normach mahła być vyklikana niejkimi źmienami ŭ samoj krainie.
Varta padkreślić jašče raz, što była schavanaja navat nazva dakumienta — niejkija słovy, jakija navat bieź źmiestu dakumienta, na dumku čynoŭnikaŭ, mohuć vyklikać niepažadanuju reakcyju ci naškodzić dziaržaŭnym intaresam.
«Naša Niva» — bastyjon biełaruščyny
PADTRYMAĆCiapier čytajuć
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim14
Kamientary
Kali nie, to byli raspracavanyja ŭ 2024-m i dahetul nie pryniatyja SN pa amijačnych chaładzilnych ustanoŭkach i składach.
I toje, i druhoje dahetul nie sakrecili. Kali režym sakretnaści niadaŭna źmianiŭsia. A tak uvohule dziŭna.