Dačka Nadziei Jermakovaj pastaŭlaje rybu ŭ kałonii, balnicy i siłavikam
Rybnaja kampanija małodšaj dački eks-kiraŭnicy Nacbanka Nadziei Jermakovaj zarablaje miljony rubloŭ na pastaŭkach ryby ŭ lakarni, kałonii, SIZA i vajskovyja čaści, piša «Biuro».
Dačka Jermakovaj Julija Kucharenka (u dziavoctvie Jermakova) razam z mužam Alaksandram Kucharenkam sumiesna vałodajuć kampanijaj «Biełaje mora». Firma — imparcior ryby i morapraduktaŭ u Biełaruś.
Dačce Jermakovaj naležyć 15% doli, jaje mužu — 34%. Astatniaja dola ŭ hramadzianina Rasii i śviokra Julii — Juryja Kucharenki.
«Biuro» vyvučyła tendary kampanii i daviedałasia, što firma siamji Kucharenka aktyŭna pastaŭlaje rybu i inšuju zamarožanuju pradukcyju ŭ papraŭčyja kałonii, SIZA, abłasnyja, haradskija i rajonnyja balnicy, damy-internaty, vajskovyja častki, pamiežnamu kamitetu i inšym ustanovam.
Tolki za šeść miesiacaŭ 2025 hoda «Biełaje mora» pastaviła pradukcyi na sumu zvyš troch miljonaŭ rubloŭ. Samyja bujnyja zakupy naležali Dziaržaŭnamu pamiežnamu kamitetu — na 875 tysiač rubloŭ, Departamientu vykanańnia pakarańniaŭ MUS (heta SIZA, kałonii i inšyja typy papraŭčych ustanoŭ) — na 952 tysiačy rubloŭ, Hałoŭnamu ŭpraŭleńniu kamandujučaha ŭnutranych vojskaŭ MUS RB — na 679 tysiač rubloŭ.
U 2024 hodzie vyručka kampanii skłała 75 miljonaŭ rubloŭ, a čysty prybytak 1,4 miljona. U 2024 hodzie ŭ «Biełaha mora» kala tysiačy raznastajnych pastavak dziaržaŭnym arhanizacyjam.
Raniej «Lusterka» sumiesna z BelPol raskazvała pra majomaść siamji Julii Kucharenki. Va ŭłasnaści ŭ Julii i jaje muža Alaksandra šerah darahoj nieruchomaści ŭ Minsku. Dačka Jermakovaj prapisanaja ŭ centry Minska — u čatyrochpakajovaj kvatery ŭ ŽK «Słavianski kvartał». Pavodle damovy dareńnia jaje ŭładalnikam ličyŭsia starejšy syn šlubnaj pary — Michaił, ciapier jamu 14 hadoŭ. Na imia Julii byli zarehistravanyja dźvie adnapakajovyja kvatery ŭ domie 2017 hoda pabudovy na vulicy Hrybajedava.
Alaksandr Kucharenka vałodaje minskaj kvateraj na vulicy Žukoŭskaha. Jašče na jaho zarehistravany ziamielny ŭčastak dla budaŭnictva i absłuhoŭvańnia žyłoha doma ŭ vioscy Dzički (heta niedaloka ad Zasłaŭskaha vadaschovišča i za 20 km ad MKAD). Taksama na mužčynu zarehistravanyja dva administracyjnyja pamiaškańni.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami15
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary