Схавалі не толькі змест дакумента, але нават яго назву.
3 чэрвеня Міністэрства архітэктуры і будаўніцтва прыняла пастанову, якой зацвердзіла ўвядзенне ў дзеянне новых будаўнічых норм СН 3.02.17-2025, якія набылі моц сёння, 12 ліпеня. Замест поўнага тэксту пастановы былі апублікаваны толькі вытрымкі з яе.
Звычайна пастанова змяшчае цалкам тэкст зацверджанага дакумента — у гэтым можна пераканацца, звярнуўшыся да пастановы, якой былі зацверджаны папярэднія па нумарацыі будаўнічыя нормы СН 3.02.16-2025 «Аб'екты пахавання цвёрдых камунальных адходаў», — але гэтым разам яго няма.
Таксама абзац, у якім звычайна ўказваецца поўная назва дакумента, заменены фармулёўкай «для службовага карыстання».
У абазначэнні будаўнічых нормаў першыя тры лічбы азначаюць тэматычны блок, наступныя дзве парадкавы нумар дакумента ў блоку, а ў канцы пазначаны год зацвярджэння. Блок 3.02 уключае жылыя, грамадскія і вытворчыя будынкі і збудаванні, добраўпарадкаванне тэрыторый — то бок амаль усё, што можна ўявіць, — таму здагадацца па абазначэнні пра прызначэнне будаўнічых нормаў не выпадае.
Спецыялісты з будаўнічай сферы гавораць, што не могуць прыгадаць, калі б у аглядным мінулым зацвярджаліся будаўнічныя нормы з такой сакрэтнасцю. Неабходнасць у новых нормах магла быць выклікана нейкімі зменамі ў самой краіне.
Варта падкрэсліць яшчэ раз, што была схаваная нават назва дакумента — нейкія словы, якія нават без зместу дакумента, на думку чыноўнікаў, могуць выклікаць непажаданую рэакцыю ці нашкодзіць дзяржаўным інтарэсам.
«Наша Нiва» — бастыён беларушчыны
ПАДТРЫМАЦЬ
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары
Калі не, то былі распрацаваныя ў 2024-м і дагэтуль не прынятыя СН па аміячных халадзільных устаноўках і складах.
І тое, і другое дагэтуль не сакрэцілі. Калі рэжым сакрэтнасці нядаўна змяніўся. А так увогуле дзіўна.