За год сярэдні кошт квадратнага метра ў Мінску павялічыўся больш чым на 500 даляраў.
Паводле апошніх даных партала Realt.by, сярэдні кошт прапановы метра жытла ў Мінску дасягнуў $1925. Год таму, у ліпені 2024 года, ён складаў $1406.
Атрымліваецца, што за год метр у сталіцы дадаў больш за 500 даляраў.
Для параўнання: з чэрвеня 2023 па чэрвень 2024‑га метр у Мінску падаражэў усяго на 50 даляраў — з 1360 да 1406 даляраў.
Адметна, што ў апошнія месяцы рост толькі паскорыўся. Калі 18 мая кошт метра па прапановах складаў $1810, то ўсяго праз два месяцы ён дасягнуў $1925. Гэта плюс 6,3% за два месяцы.
Такім чынам, гэтым летам быў пабіты рэкорд восені 2013 года, калі квадрат у сталіцы па прапановах каштаваў 1840 даляраў.
А вось рэкорд восені 2007 года, калі метр у Мінску дасягнуў адзнакі ў 2000 даляраў, пакуль застаецца не пераадоленым.
Каментары
Калі ўзяць пікавыя значэнні курса долара, то максімальнае падзенне з 3.6 да 2.9 р. або на 24%.
Рост кошту метра з $1406 да $1925 або на 37%.
2/3 росту толькі з-за дэвальвацыі долара.
Аналагічныя падлікі за апошнія два месяцы: з $1810 да $1925 або на 6.4%, долар з 3.01 да 2.90 або на 3.8%. 60% росту забірае дэвальвацыя.
(Ясна, што ёсць і дэвальвацыя рубля, і іншыя фінансавыя фактары ў Беларусі.)