Заяву для ўдзелу ў цэнтральным тэставанні абітурыент можа падаць альбо запоўніўшы электронную форму на сайце Рэспубліканскага інстытута кантролю ведаў, альбо асабіста, наведаўшы адзін з пунктаў рэгістрацыі.
Пры сабе трэба мець дакумент (копію дакумента), які пацвярджае асобу (пашпарт, ідэнтыфікацыйную карту, дазвол на жыхарства, пасведчанне бежанца), або даведку, якая выдаецца ў выпадку страты (крадзяжу) дакумента, піша БелТА.
Таксама гэта могуць зрабіць законныя прадстаўнікі непаўналетніх абітурыентаў у пункце рэгістрацыі пры паказе дакумента (копіі дакумента), які пацвярджае асобу, дакумента, што пацвярджае статус законнага прадстаўніка, а таксама копіі дакумента, які пацвярджае асобу абітурыента. Падаць заяву для ўдзелу ў ЦТ могуць і прадстаўнікі абітурыентаў, якія дзейнічаюць на падставе даверанасці.
Кошт удзелу ў ЦТ па адным прадмеце складае чатыры рублі 50 капеек. Аплаціць можна праз АРІП.
Пасля аплаты абітурыент не пазней за 22 красавіка, маючы пры сабе дакумент, які пацвярджае асобу, павінен асабіста забраць пропуск на кожны прадмет. Пры гэтым забіраць пропускі трэба ў тым пункце рэгістрацыі, у якім малады чалавек падаваў заяву для ўдзелу ў ЦТ пры асабістай яўцы, або ў адным з пунктаў рэгістрацыі, што працуюць на базе пунктаў тэставання, дзе абітурыент плануе праходзіць ЦТ, у выпадку падачы заявы праз сістэму папярэдняй рэгістрацыі.
Абітурыент, зарэгістраваны для ўдзелу ў цэнтралізаваным экзамене (ЦЭ), які праводзіцца ў год праходжання ЦТ, па двух вучэбных прадметах, мае права зарэгістравацца для праходжання ЦТ не больш чым па адным іншым вучэбным прадмеце ўступнага выпрабавання.
Абітурыент, зарэгістраваны для ўдзелу ў ЦЭ па адным вучэбным прадмеце, мае права зарэгістравацца для праходжання ЦТ не больш чым па двух іншых вучэбных прадметах. Абітурыенты, не зарэгістраваныя для ўдзелу ў ЦЭ ў год праходжання ЦТ, маюць права зарэгістравацца для праходжання ЦТ не больш чым па трох вучэбных прадметах уступных выпрабаванняў.
ЦЭ і ЦТ пройдуць у адзіныя тэрміны для выпускнікоў 2026 года, выпускнікоў мінулых гадоў і выпускнікоў каледжаў. Так, 26 мая адбудзецца ЦЭ па прадмеце на выбар для 11‑класнікаў і ЦТ па прадмеце на выбар для выпускнікоў мінулых гадоў і выпускнікоў каледжаў.
ЦЭ па беларускай або рускай мове для 11‑класнікаў і ЦТ па беларускай або рускай мове для выпускнікоў мінулых гадоў і выпускнікоў каледжаў пройдуць 29 мая.
Таксама 2 і 5 чэрвеня адбудзецца ЦТ па прадмеце на выбар для ўсіх абітурыентаў.
Рэзервовымі днямі для ЦТ вызначаны 18, 20, 22 чэрвеня. Рэзервовыя дні для ЦЭ — 20, 22 чэрвеня, іншыя тэрміны — 17, 19 жніўня.
Зарэгістравацца для праходжання ЦТ у рэзервовыя дні можна будзе з 8 да 11 чэрвеня.
Час работы пунктаў рэгістрацыі для праходжання ЦТ — з 9.00 да 19.00, у суботнія дні (11 красавіка, 18 красавіка) — з 9.00 да 18.00. Час пачатку ЦТ, у тым ліку ў рэзервовыя дні — 11.00.
Сертыфікаты ЦТ будуць выдавацца абітурыентам у пунктах правядзення з 1 ліпеня.
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек4
Каментары