Zajavu dla ŭdziełu ŭ centralnym testavańni abituryjent moža padać albo zapoŭniŭšy elektronnuju formu na sajcie Respublikanskaha instytuta kantrolu viedaŭ, albo asabista, naviedaŭšy adzin z punktaŭ rehistracyi.
Pry sabie treba mieć dakumient (kopiju dakumienta), jaki paćviardžaje asobu (pašpart, identyfikacyjnuju kartu, dazvoł na žycharstva, paśviedčańnie biežanca), abo daviedku, jakaja vydajecca ŭ vypadku straty (kradziažu) dakumienta, piša BiełTA.
Taksama heta mohuć zrabić zakonnyja pradstaŭniki niepaŭnaletnich abituryjentaŭ u punkcie rehistracyi pry pakazie dakumienta (kopii dakumienta), jaki paćviardžaje asobu, dakumienta, što paćviardžaje status zakonnaha pradstaŭnika, a taksama kopii dakumienta, jaki paćviardžaje asobu abituryjenta. Padać zajavu dla ŭdziełu ŭ CT mohuć i pradstaŭniki abituryjentaŭ, jakija dziejničajuć na padstavie davieranaści.
Košt udziełu ŭ CT pa adnym pradmiecie składaje čatyry rubli 50 kapiejek. Apłacić možna praz ARIP.
Paśla apłaty abituryjent nie paźniej za 22 krasavika, majučy pry sabie dakumient, jaki paćviardžaje asobu, pavinien asabista zabrać propusk na kožny pradmiet. Pry hetym zabirać propuski treba ŭ tym punkcie rehistracyi, u jakim małady čałaviek padavaŭ zajavu dla ŭdziełu ŭ CT pry asabistaj jaŭcy, abo ŭ adnym z punktaŭ rehistracyi, što pracujuć na bazie punktaŭ testavańnia, dzie abituryjent płanuje prachodzić CT, u vypadku padačy zajavy praź sistemu papiaredniaj rehistracyi.
Abituryjent, zarehistravany dla ŭdziełu ŭ centralizavanym ekzamienie (CE), jaki pravodzicca ŭ hod prachodžańnia CT, pa dvuch vučebnych pradmietach, maje prava zarehistravacca dla prachodžańnia CT nie bolš čym pa adnym inšym vučebnym pradmiecie ŭstupnaha vyprabavańnia.
Abituryjent, zarehistravany dla ŭdziełu ŭ CE pa adnym vučebnym pradmiecie, maje prava zarehistravacca dla prachodžańnia CT nie bolš čym pa dvuch inšych vučebnych pradmietach. Abituryjenty, nie zarehistravanyja dla ŭdziełu ŭ CE ŭ hod prachodžańnia CT, majuć prava zarehistravacca dla prachodžańnia CT nie bolš čym pa troch vučebnych pradmietach ustupnych vyprabavańniaŭ.
CE i CT projduć u adzinyja terminy dla vypusknikoŭ 2026 hoda, vypusknikoŭ minułych hadoŭ i vypusknikoŭ kaledžaŭ. Tak, 26 maja adbudziecca CE pa pradmiecie na vybar dla 11‑kłaśnikaŭ i CT pa pradmiecie na vybar dla vypusknikoŭ minułych hadoŭ i vypusknikoŭ kaledžaŭ.
CE pa biełaruskaj abo ruskaj movie dla 11‑kłaśnikaŭ i CT pa biełaruskaj abo ruskaj movie dla vypusknikoŭ minułych hadoŭ i vypusknikoŭ kaledžaŭ projduć 29 maja.
Taksama 2 i 5 červienia adbudziecca CT pa pradmiecie na vybar dla ŭsich abituryjentaŭ.
Reziervovymi dniami dla CT vyznačany 18, 20, 22 červienia. Reziervovyja dni dla CE — 20, 22 červienia, inšyja terminy — 17, 19 žniŭnia.
Zarehistravacca dla prachodžańnia CT u reziervovyja dni možna budzie z 8 da 11 červienia.
Čas raboty punktaŭ rehistracyi dla prachodžańnia CT — z 9.00 da 19.00, u subotnija dni (11 krasavika, 18 krasavika) — z 9.00 da 18.00. Čas pačatku CT, u tym liku ŭ reziervovyja dni — 11.00.
Siertyfikaty CT buduć vydavacca abituryjentam u punktach praviadzieńnia z 1 lipienia.
Kamientary