U Lidskim rajonie na prodaž znoŭ vystavili likiora-harełačny zavod «Mažejkava», jaki spyniŭ pracu paśla bankructva ŭładalnika. Łot źjaviŭsia na placoŭcy «BiełJurZabieśpiačeńnie».
Pradpryjemstva znachodzicca ŭ ahraharadku Mažejkava. Jano było pabudavana jašče ŭ saviecki čas, a paźniej prajšło madernizacyju. Heta, adnak, nie ŭratavała zavod ad zakryćcia: u 2019 hodzie jaho spynili paśla taho, jak sielskahaspadarčaje pradpryjemstva «Mažejkava», jakomu jon naležaŭ, pryznali niepłaciežazdolnym.
Budučamu pakupniku prapanujuć ceły vytvorčy kompleks: cech likiora-harełačnaj pradukcyi, schovišča śpirtu, skład hatovaj pradukcyi, jašče šerah budynkaŭ i abstalavańnie — usiaho 14 abjektaŭ. Taksama ŭ kamplekt uvachodzić ziamielny ŭčastak u arendu na 50 hadoŭ.
Aŭkcyjon pryznačany na 14 maja. Startavaja cana składaje 18 miljonaŭ rubloŭ. Kupiec pavinien budzie ŭnieści zadatak u pamiery 10% ad kančatkovaha koštu, a astatniuju sumu apłacić ciaham 20 dzion.
Hety zavod sprabujuć pradać užo nie ŭpieršyniu — z 2024 hoda tarhi pravodzili niekalki razoŭ, ale achvotnych nabyć taki aktyŭ pakul nie znajšłosia.
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary