Za hod siaredni košt kvadratnaha mietra ŭ Minsku pavialičyŭsia bolš čym na 500 dalaraŭ.
Pavodle apošnich danych partała Realt.by, siaredni košt prapanovy mietra žytła ŭ Minsku dasiahnuŭ $1925. Hod tamu, u lipieni 2024 hoda, jon składaŭ $1406.
Atrymlivajecca, što za hod mietr u stalicy dadaŭ bolš za 500 dalaraŭ.
Dla paraŭnańnia: z červienia 2023 pa červień 2024‑ha mietr u Minsku padaražeŭ usiaho na 50 dalaraŭ — z 1360 da 1406 dalaraŭ.
Admietna, što ŭ apošnija miesiacy rost tolki paskoryŭsia. Kali 18 maja košt mietra pa prapanovach składaŭ $1810, to ŭsiaho praz dva miesiacy jon dasiahnuŭ $1925. Heta plus 6,3% za dva miesiacy.
Takim čynam, hetym letam byŭ pabity rekord vosieni 2013 hoda, kali kvadrat u stalicy pa prapanovach kaštavaŭ 1840 dalaraŭ.
A voś rekord vosieni 2007 hoda, kali mietr u Minsku dasiahnuŭ adznaki ŭ 2000 dalaraŭ, pakul zastajecca nie pieraadolenym.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary
Kali ŭziać pikavyja značeńni kursa dołara, to maksimalnaje padzieńnie z 3.6 da 2.9 r. abo na 24%.
Rost koštu mietra z $1406 da $1925 abo na 37%.
2/3 rostu tolki z-za devalvacyi dołara.
Anałahičnyja padliki za apošnija dva miesiacy: z $1810 da $1925 abo na 6.4%, dołar z 3.01 da 2.90 abo na 3.8%. 60% rostu zabiraje devalvacyja.
(Jasna, što jość i devalvacyja rubla, i inšyja finansavyja faktary ŭ Biełarusi.)