Вэнс раскрытыкаваў «таргі» паміж Украінай і Расіяй за «некалькі квадратных кіламетраў»
Віцэ-прэзідэнт ЗША Джэй Дзі Вэнс падчас візіту ў Венгрыю заявіў, што лічыць недарэчнымі таргі паміж Украінай і Расіяй за «некалькі квадратных кіламетраў». Як паведамляе «Еўрапейская праўда», пра гэта ён сказаў 8 красавіка.
Каментуючы перагаворны працэс па ўрэгуляванні расійска-ўкраінскай вайны, Вэнс паставіў пад сумнеў мэтазгоднасць спрэчкі за «некалькі квадратных кіламетраў», відавочна, намякаючы на тое, што Кіеў павінен пайсці на тэрытарыяльныя саступкі.
«Я б сказаў і расіянам, і ўкраінцам: ведаеце, на гэтым этапе мы гаворым пра таргі наконт некалькіх квадратных кіламетраў тэрыторыі ў той ці іншы бок. Ці варта гэта страты соцень тысяч дадатковых расійскіх і ўкраінскіх маладых мужчын? Ці варта гэта дадатковых месяцаў або нават гадоў высокіх цэн на энерганосьбіты і эканамічнага спусташэння? Мы лічым, што адказ адназначна «не», — заявіў віцэ-прэзідэнт ЗША.
Ён дадаў, што «для танга патрэбны двое», таму расіяне і ўкраінцы павінны самастойна дамовіцца.
«Таму хоць Віктар [Орбан] і прэзідэнт Трамп будуць працягваць працаваць над мірным урэгуляваннем, па сутнасці, мы можам толькі адчыніць дзверы. Расіяне і ўкраінцы павінны самі праз іх прайсці», — заявіў Вэнс.
Варта адзначыць, што супярэчнасці паміж Расіяй і Украінай па тэрытарыяльным пытанні тычацца зусім не «некалькіх квадратных кіламетраў», як сцвярджае Вэнс. Расійскі бок патрабуе, каб Украіна вывела свае войскі як мінімум з так і не захопленай расійскімі войскамі за чатыры гады часткі Данецкай вобласці. Гэта недзе каля 20% тэрыторыі гэтай вобласці, на якой сярод іншага знаходзяцца такія буйныя гарады, як Краматорск і Славянск. Акрамя таго, гэтыя тэрыторыі важныя для Украіны і стратэгічна, бо на іх збудаваныя моцныя лініі абароны.
Джэй Дзі Вэнс знаходзіцца ў Венгрыі з учарашняга дня. Ён прыехаў туды для таго, каб падтрымаць прарасійскага прэм'ер-міністра краіны Віктара Орбана перад галасаваннем на парламенцкіх выбарах, якое мае адбыцца ў найбліжэйшую нядзелю, 12 красавіка. Віктара Орбана горача падтрымлівае і прэзідэнт ЗША Дональд Трамп.
Пяскоў пракаментаваў словы Зяленскага пра тое, што Расія дала Украіне два месяцы на выхад з Данбаса
Зяленскі: Расія дае Украіне два месяцы на выхад з Данбаса
«Расія цісне на ЗША». Зяленскі раскрыў новыя тэрміны, пастаўленыя расіянамі для захопу Данбаса
ЗША на перамовах з Украінай патрабуюць вываду войск з Данбаса
Замкнёнае кола. Чаму буксуюць перамовы пра мір ва Украіне?
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
верните отжатую Калифорнию Мексике..
трепло тупое...