Пяскоў: Трамп і Пуцін могуць сустрэцца ў Кітаі, калі «апынуцца ў адным горадзе»
Ніякай прадметнай падрыхтоўкі да сустрэчы Уладзіміра Пуціна і Дональда Трампа не вядзецца, бо няма ніякіх узгодненых кантактаў, — сказаў афіцыйны прадстаўнік Крамля Дзмітрый Пяскоў у адказ на пытанне журналістаў пра магчымую сустрэчу прэзідэнтаў Расіі і ЗША.
Пры гэтым Пуцін рыхтуецца да візіту ў Кітай у пачатку верасня.
«Калі так атрымаецца, што ў выніку прэзідэнт ЗША таксама прыме рашэнне наведаць Кітай у гэтыя ж даты, то, вядома, такую сустрэчу нельга тэарэтычна выключаць, калі кіраўнікі дзяржаў апынуцца ў адным горадзе», — дадаў Пяскоў.
Дональд Трамп і Уладзімір Пуцін тэлефанавалі адзін аднаму ў гэтым годзе ўжо некалькі разоў, але пакуль не сустракаліся.
У канцы мінулага тыдня прэзідэнт Турцыі Рэджэп Таіп Эрдаган сказаў, што мае намер прыкласці намаганні для арганізацыі сустрэчы лідараў Расіі і ЗША ў Стамбуле для абмеркавання ўрэгулявання вайны ва Украіне, піша Бі-бі-сі.
Цяпер чытаюць
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары