Музыканты выдаляюць сваю музыку са Spotify, бо ён спансаруе кампанію, якая вырабляе тысячы дронаў для Украіны

26 чэрвеня аўстралійскі гурт King Gizzard & the Lizard Wizard абвясціў, што выдаліць усе свае запісы з музычнага стрымінгавага сэрвісу Spotify, піша выданне «Медуза»

Такім чынам удзельнікі гурта выступілі супраць сувязі сэрвісу з нямецкай кампаніяй Helsing, якая вырабляе дроны ў тым ліку для Украіны. Аўстралійцы — не першыя музыканты, якія вырашылі пакінуць платформу па гэтай прычыне. Раней пра такое ж рашэнне паведамілі амерыканскія гурты Xiu Xiu і Deerhoof.

«Генеральны дырэктар Spotify Даніэль Эк укладвае мільёны ў тэхналогіі ваенных дронаў з штучным інтэлектам. Мы толькі што выдалілі нашу музыку з платформы. Ці зможам мы націснуць на гэтых тэхнабро ў стылі Доктара Зла, каб яны сталі лепшымі? Далучайцеся да нас на іншай платформе».

Такое паведамленне апублікаваў аўстралійскі гурт King Gizzard & the Lizard Wizard на сваёй старонцы ў Instagram 25 ліпеня. Акрамя жывых запісаў і дуэтаў, гаворка ідзе пра выдаленне ўсіх 27 альбомаў калектыву.

Прычынай такога рашэння стала інвестыцыйная палітыка генеральнага дырэктара Spotify Даніэля Эка. Яго фонд Prima Materia спансіруе абаронную кампанію Helsing. Сам Эк займае пасаду старшыні савета дырэктараў Helsing, у які ён уступіў у 2021 годзе.

Менеджар лэйблу Joyful Noise Джэйк Сондэрс выказаў падтрымку рашэнню гурта:

«King Gizz — паспяховы гастрольны гурт, якая можа дазволіць сабе заняць пазіцыю. Іх роялці ад Spotify — гэта кропля ў моры ў параўнанні з тым, што яны зарабляюць на турах. […] Але для маладых артыстаў і лэйблаў Spotify па-ранейшаму застаецца прыярытэтам у многіх сектарах індустрыі. Адзіная надзея — каб Spotify стаў настолькі «некрутым», што людзі пачнуць адкрываць для сябе музыку на іншых платформах — пажадана такіх, якімі не кіруюць людзі, што ўкладваюць мільёны ў ваенную індустрыю».

King Gizzard & the Lizard Wizard — не першы калектыў, які пачаў выдаляць свой музычны каталог з Spotify. 24 ліпеня пра разрыў адносін з платформай паведаміў амерыканскі гурт Xiu Xiu, які напісаў у Instagram:

«Мы цяпер працуем над тым, каб выдаліць усю нашу музыку з гэтай сметніцы, з гвалтоўнага партала Армагедону пад назвай Spotify».

У каментары для Pitchfork заснавальнік гурта Джэймі Стюарт праз свайго прадстаўніка паведаміў, што калектыў ужо на працягу месяца займаецца выдаленнем сваёй музыкі са стрымінгу: «Ёсць надзея, што ўсё будзе выдалена на наступным тыдні». Ён таксама адзначыў, што лэйблы, з якімі яны супрацоўнічалі — Polyvinyl, Kill Rock Stars і Graveface — падтрымліваюць іх у гэтым рашэнні.

View this post on Instagram

A post shared by Xiu Xiu For Life (@xiuxiuforlife)

На пытанне, ці будуць яны выдаляць музыку з іншых платформаў, Джэймі Стюарт адказаў:

«Хаця фінансавыя практыкі ўсіх стрымінгавых сэрвісаў надзвычай варожыя да музыкантаў, дзеянні Spotify — выкарыстоўваць прыбытак, атрыманы, па сутнасці, ад крадзяжу музыкі, каб забіваць людзей дзеля яшчэ большага прыбытку — гэта амаль па-за межамі разумення».

Пра намер выдаліць сваю музыку з Spotify 30 чэрвеня таксама абвясціў амерыканскі гурт Deerhoof:

«Мы не хочам, каб наша музыка забівала людзей. Мы не хочам, каб наш поспех быў звязаны з баявымі тэхналогіямі з выкарыстаннем ШІ».

• 5
• 18
• 3
• 72
• 0
• 0
• 8
• 2