U Minsku prymajucca miery dla baraćby z padtapleńniami na vulicach. Pra heta raskazaŭ dyrektar pradpryjemstva «Hardarbud» Siarhiej Panieŭ padčas pres-kanfierencyi, pryśviečanaj raźvićciu darožnaj infrastruktury stalicy, piša BiełTA.
Pavodle słoŭ čynoŭnika, u horadzie budujecca šerah novych abjektaŭ, u tym liku ačyščalnyja zbudavańni dla daždžavoj vady. Adzin z najbujniejšych prajektaŭ — budaŭnictva liŭnievaha kalektara «Jarkava», jaki pavinien zabiaśpiečyć advod vady z terytoryi Frunzienskaha rajona. Zaviaršyć hetyja raboty płanujecca da kanca hoda. Akramia taho, raspracoŭvajucca i inšyja prajekty pa pierachopu daždžavych ściokaŭ.
Panieŭ adznačyŭ, što asablivaja ŭvaha nadajecca prablemnym miescam, dzie najaŭnyja liŭnioŭki nie spraŭlajucca ź vialikim abjomam vady. Tam viaducca raboty pavodle hrafika.
Uvohule ŭ Minsku raspracavanaja śpiecyjalnaja prahrama, jakaja składajecca z troch etapaŭ. Spačatku buduć vyrašanyja najbolš vostryja prablemy, potym — zadačy siarednieterminovaha charaktaru. Treci etap praduhledžvaje budaŭnictva novych kalektaraŭ i čystku najaŭnych sistem.
Pieršy etap užo raspačaty, jaho płanujuć realizavać ciaham hoda-paŭtara. Uvieś kompleks mier pavinien być zavieršany da kanca nastupnaha hoda. Schiemy vodazboru ŭžo padrychtavanyja, ciapier idzie aktyŭnaja rabota pa ich uvasableńni.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary