Pad Minskam šnyryć hałodny voŭk, jaki źjaŭlajecca la padjezdaŭ vyklučna ŭviečary
Žychary Pryłuk zaniepakojenyja źjaŭleńniem u ahraharadku dziŭnaj žyvioły. Jak raskazała adna z žančyn, žyvioła źjaŭlajecca vyklučna ŭviečary, hulaje pa vulicy i padychodzić da padjezdaŭ žyłych damoŭ.
«Pieršaje paviedamleńnie pra hetuju žyviołu źjaviłasia na vychodnych: ludzi ŭbačyli jaje pobač z «Biełmarkietam» i napisali: «Aściarožna! Na parkoŭcy zaŭvažany voŭk». Intaresu da ludziej jon nie prajaŭlaŭ. Učora pryjazdžaŭ vieturač, ale voŭk źjaŭlajecca ŭviečary, tamu jaho nichto nie ŭbačyŭ. Učora jaho zaŭvažyli ŭ Sienicy. Jak tolki zachodzić sonca, jon i źjaŭlajecca. Asnoŭnaja prablema ŭ tym, jak ludziam reahavać u padobnaj situacyi. U milicyi i ŭ MNS kazali, što heta nie ŭvachodzić u ich kampietencyju», — raspaviała čytačka Onliner.by Julija.
Situacyju prakamientavaŭ i načalnik adździeła palaŭničaha haspadarki «Minlashasa» Alaksandr Kazarez. Na jaho dumku, miascovyja žychary sutyknulisia z zvyčajnym biazdomnym sabakam.
«Navat chada adroźnivajecca, tamu z upeŭnienaściu mahu skazać, što heta prosta badziažny sabaka, a nie šery voŭk. Byvajuć vypadki, kali ludzi prymali bujnuju sabaku za sapraŭdnaha karala lesu, ale kali pryhledziecca — adroźnieńni vidavočnyja. Hałoŭnaje — nie panikavać i ŭvažliva nazirać», — cytuje Alaksandra Kazareza vydańnie «Prystaličča».
Kamu telefanavać u vypadkach, kali ŭbačyŭ źviera? Pa kamientar žurnalisty źviarnulisia ŭ MNS, kudy niaredka telefanujuć z nahody adłovu dzikich žyvioł, i atrymali nastupny adkaz:
«Likvidacyja pahroz ad dzikich žyvioł nie ŭvachodzić u kampietencyju MNS, razam z tym ludzi mohuć patelefanavać z zapytam u MNS, dzie našy śpiecyjalisty pieranakirujuć paviedamleńnie ŭ kampietentnyja viedamstvy i arhanizacyi [a mienavita: rajonnuju inśpiekcyju pryrodnych resursaŭ]».
Paźniej administracyja Minskaha rajona pryniała rašeńnie pa situacyi.
«Śpiecyjalnaja kamisija ŭžo pačała pracu pa pošuku i adłovie žyvioły. Jak tolki asobina trapić da śpiecyjalistaŭ Minskaj rajonnaj vieterynarnaj stancyi, jany adrazu ž vyznačać vid hetaha źviera. Akramia taho, vieterynary praviaduć pravierku zdaroŭja žyvioły — voźmuć usie nieabchodnyja analizy», — paviedamili ŭ Minskim rajvykankamie.
-
U Krymie pjanaja rasijskaja palicejskaja naśmierć źbiła biełarusa — i ŭciakła ź miesca avaryi
-
U Žłobinskim rajonie mašyna pieratvaryłasia ŭ kuču mietałałoma, kiroŭca nie vyžyŭ
-
Zabojcu ŭ Buda-Kašaloŭskim rajonie znajšli praz 17 hadoŭ. Jon adbyvaje pakarańnie za zabojstva inšaj siamji z čatyroch čałaviek
Ciapier čytajuć
Staŭ viadomy prysud eks-pamočniku Łukašenki Iharu Bryło4
Kamientary
badziałaja sabaka --- badziaŽNY sabaka