U Jeŭrasajuzie anansavali novy pakiet dapamohi dla biełaruskich ŚMI i pravaabaroncaŭ
Padčas svajho vizitu ŭ Brusel Śviatłana Cichanoŭskaja sustrełasia ź jeŭrakamisarkaj pa pytańniach pašyreńnia i palityki dobrasusiedstva Martaj Kos. Pa vynikach sustrečy Marta Kos anansavała novy pakiet padtrymki dla Biełarusi, paviedamlaje Ofis Śviatłany Cichanoŭskaj.
Anansavany pakiet budzie nakiravany na dapamohu:
- niezaležnym žurnalistam;
- pravaabaroncam;
- aktyvistam hramadzianskaj supolnaści.
Asobna abmiarkoŭvałasia nieabchodnaść padtrymki Biełaruskaj słužby «Radyjo Svaboda» i inšych niezaležnych miedyja, jakija praciahvajuć pracavać u vyhnańni i supraćstajać prapahandzie režymu.
«Ja vielmi ŭdziačnaja našym dypłamatyčnym partnioram, jakija nie zdajucca razam z nami ŭžo piać hadoŭ. Vy ŭsprymajecie Biełaruś nie jak stračanuju spravu, a jak nadzieju na pieramieny ŭ našaj krainie. Nivodnaja baraćba nie moža być vyjhranaja ŭ adzinočku. I ja ŭdziačnaja vam za padtrymku našaj baraćby suprać režymu.
My ŭjaŭlajem saboj alternatyvu «ruskamu śvietu» i ŭładzie Łukašenki. Na hetym šlachu my nie adny. My z vami, my z usioj Jeŭropaj. I ja vieru, što adnojčy my razam adśviatkujem našu pieramohu», — zajaviła Śviatłana Cichanoŭskaja.
U paviedamleńni Ofisa Śviatłany Cichanoŭskaj admysłova adznačajecca, što
«demakratyčnyja siły Biełarusi nie ŭdzielničajuć u raźmierkavańni hetaj dapamohi — jana ažyćciaŭlajecca praz adkrytyja konkursy i prahramy Jeŭrasajuza».
Cichanoŭskaja: Tolki demakratyčnaja Biełaruś moža być harantam miru i stabilnaści ŭ rehijonie
«Maleńkaja pasłuha biełaruskim uładam». Deputaty «Alternatyvy dla Hiermanii» zrabili zapyt svajmu ŭradu pra finansavańnie «Bajsoła» i biełaruskich palitviaźniaŭ
Cichanoŭskaja: Trampu vielmi ciažka mieć spravu z Rasijaj, ale Biełaruś dla jaho — jak nizka visiačy frukt
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary
Čym pozzžie tym łuččie!