Cichanoŭskaja: Tolki demakratyčnaja Biełaruś moža być harantam miru i stabilnaści ŭ rehijonie
Śviatłana Cichanoŭskaja znachodzicca z pracoŭnym vizitam u Bruseli. Jana vystupiła z pramovaj na Parłamienckaj asamblei. Svaju pramovu biełaruskaja lidarka pryśviaciła niadaŭniamu vyzvaleńniu muža paśla piaci hadoŭ źniavoleńnia, a taksama budučyni Biełarusi i roli demakratyčnych siłaŭ u hetym pracesie, paviedamlaje jaje pres-słužba.
«Jak demakratyčnyja siły Biełarusi, my hatovyja vieści našuju krainu da demakratyi i jeŭrapiejskaha šlachu raźvićcia. My ŭžo rychtujem reformy, jakija dapamohuć intehravać Biełaruś u jeŭrapiejskuju i jeŭraatłantyčnuju supolnaść.
Niadaŭna na samicie NATA my prezientavali Red Paper pa biełaruska-jeŭrapiejskich ramkach biaśpieki. Jana demanstruje, što Biełaruś — heta nie tolki krynica pahrozy, ale i mahčymaść dla ŭmacavańnia našaj kalektyŭnaj biaśpieki. Tolki demakratyčnaja Biełaruś moža być harantam miru i stabilnaści ŭ rehijonie.
Mienavita tamu ja zaŭsiody paŭtaraju: padtrymka biełaruskaha demakratyčnaha ruchu — heta nie dabračynnaść, a inviestycyi ŭ našuju ahulnuju budučyniu», — skazała Śviatłana Cichanoŭskaja.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary