Rejtynh najbujniejšych avijakampanij Jeŭropy pavodle jakaści absłuhoŭvańnia, punktualnaści i chutkaści vypłat kampiensacyj apublikavała Flightright. Niečakana ŭ samym kancy śpisu akazałasia finskaja Finnair, jakaja tradycyjna ličycca premijalnaj avijakampanijaj. Razam ź joj najhoršymi pryznanyja biudžetnyja pieravozčyki Ryanair i Vueling.
U ahulnym zaliku Finnair nabrała ŭsiaho 2,48 zorki z 5. Asabliva drenna kampanija prajaviła siabie ŭ płanie punktualnaści, atrymaŭšy tolki 1,5 zorki za zatrymki i admieny rejsaŭ. Pa kampiensacyjach u jaje taksama nie ŭsio hładka — 3 zorki, piša BILD.
Horš tolki ŭ Ryanair i Vueling — abiedźvie kampanii atrymali tolki pa 2 zorki ŭ hetaj katehoryi.
Ekśpiert Flightright Fiejza Tiurkien padkreśliła, što «jakaść nie zaŭsiody zaležyć ad koštu bileta».
Najlepšaj u rejtynhu stała Discover Airlines — 3,33 zorki. 5 zorak kampanija atrymała za pavodziny pry vypłacie kampiensacyj.
Dobryja pakazčyki taksama ŭ Eurowings (3,32) i Iberia (3,25). Apošniaja da taho ž amal nie dapuskaje zatrymak i admien — 4,5 zorki za nadziejnaść.
A voś z klijenckim servisam spravy kiepskija va ŭsich. Nivodnaja avijakampanija nie zmahła nabrać bolš za try z pałovaj zorki. Najlepšymi akazalisia British Airways (3,15) i Austrian Airlines (3,07), najhoršymi — easyJet i SAS, jakija nabrali krychu bolš za dźvie zorki.
Ciapier čytajuć
Achova i dziasiatki ludziej u kamandzie: za što žyvie Ofis Cichanoŭskaj u Vilni?8
Kamientary