U ZŠA padčas tušeńnia lasnoha pažaru snajpier zastreliŭ dvuch pažarnych
Na hary Kanfiłd pablizu horada Kier-d’Alen u štacie Ajdacha padčas likvidacyi lasnoha pažaru byli zastreleny dvoje pažarnych. Paźniej śpiecpadraździaleńnie palicyi znajšło na miescy cieła mužčyny z ahniastrelnaj zbrojaj, piša Reuters.com
Incydent adbyŭsia ŭdzień pablizu horada Kier-d'Alen, dzie pažarnyja zmahalisia z ahniom na hary Kanfiłd — papularnym miescy dla piešych prahułak.
Pavodle słoŭ šeryfa akruhi Kutenaj Boba Norysa, ratavalniki i palicyjanty trapili pad abstreł snajpiera, jaki vykarystoŭvaŭ mahutnyja spartyŭnyja vintoŭki, «kab chutka stralać pa ratavalnikach». Napadnik znachodziŭsia ŭ hustych kustach, byŭ dobra padrychtavany i ŭmieŭ majsterska maskiravacca.
Paźniej śpiecpadraździaleńnie SWAT vyjaviła cieła mužčyny ź pistaletam pobač. Pravaachoŭniki nie vyklučajuć, što pažar mahli ŭstroić naŭmysna, kab zavabić ratavalnikaŭ u pastku.
«Na pačatku stralby pažarnyja prasili pra dapamohu paśla taho, jak dvoje ź ich atrymali ahniastrelnyja ranieńni. Adzin z pažarnych paviedamiŭ, što jany chavajucca za pažarnaj mašynaj. Byŭ čutny hołas, jaki kazaŭ, što, na ich dumku, pažar byŭ vyklikany naŭmysna», — havorycca ŭ paviedamleńni.
Pavodle Norysa, aficery, što prybyli na miesca, paviedamili, što streły čulisia z roznych napramkaŭ, što moža śviedčyć pra ŭdzieł niekalkich čałaviek. Na dadzieny momant lasny pažar jašče praciahvajecca.
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary