Hurt Nazareth u apošni momant abviaściŭ, što nie pryjedzie na fiestyval «Soncastajańnie» ŭ Pružanach. U čym pryčyna?
Šatłandski rok-hurt Nazareth admianiŭ svoj udzieł u fiestyvali «Soncastajańnie», jaki projdzie ŭ biełaruskich Pružanach 27-28 červienia. Dla publiki heta stała niečakanym udaram: mnohija kupili kvitki jašče viasnoj i jechali mienavita dziela lehiendarnych chitoŭ 1970-ch, piša BGMedia.
Viersii admieny kancerta
Na aficyjnaj staroncy Nazareth u Facebook źjaviłasia karotkaje, ale vietlivaje tłumačeńnie:
«Abstaviny, jakija nie zaležać ad nas, nie dazvolili vystupić na fiestyvali. My spadziajemsia na sustreču ŭ 2026 hodzie».
Zdavałasia b, zvyčajny fors-mažor. Ale dalej — cikaviej. Pa viersii arhanizataraŭ fiestyvalu ŭsiamu vinoj — stan zdaroŭja.
«Na žal, pa stanie zdaroŭja niekatorych udzielnikaŭ hurt nie zmoža pryjechać. Nazareth admianiŭ šerah vystupaŭ u Jeŭropie, u tym liku i naš. Nie chvalujciesia, kancert pieranosicca na 2026 hod», — pišuć na aficyjnaj staroncy fiestyvalu ŭ Instagram.
Adnak nivodzin inšy jeŭrapiejski kancert nie admienieny. Bolš za toje, 26 červienia hurt paśpiachova vystupiŭ u Šviejcaryi, zatym zapłanavanyja šou ŭ Narviehii, Estonii i Łatvii.
Pa viersii biletnaj płatformy, kancert lehiendarnaha rok-hurta byŭ admienieny pa «techničnych pryčynach». Čamu jany adroźnivajucca ad viersij arhanizataraŭ i samich muzykaŭ — nichto nie tłumačyć.
U publiki zakanamiernaje pytańnie: što adbyvajecca? Voś, što pišuć ludzi ŭ kamientarach pad navinoj ab admienie vystupu Nazareth.
«9 lipienia ŭ Narviehii na kancert pradajucca kvitki».
«Ale jašče cikaviej toj fakt, što na sajcie ŭ ich nivodnaj zhadki pra fiestyval niama ani blizka. A 26-ha ŭ ich prajšoŭ kancert u Ženievie bieź pieranosaŭ i admien».
Mnohija pryznajucca, što jechali na fiestyval tolki dziela hetaj hrupy.
«Małajcy, što paviedamili tady, kali bilet užo nie viarnuć, tak by na hety dzień ja jaho zdała».
«Heta vielmi sumna. Ja spadziavaŭsia choć raz pačuć užyvuju ich znakamityja chity, choć raz u žyćci!»
«Jašče paŭhoda tamu ja pisaŭ, što ŭsio tak i budzie. Arhanizatary zamachnulisia zavabić u naš kałhas stolki kultavych muzykaŭ — heta było asudžana na pravał».
Chtości ŭvohule zaklikaje zdavać kvitki, tamu što «ludziej ŭvodziać u zman», a «fiestyval užo zarekamiendavaŭ siabie jak «nie vielmi».
«Na afišy adno, potym vydalajuć bieź jakich-niebudź tłumačeńniaŭ. Artysty navat nie ŭ kursie, što arhanizatary płanujuć ich vystup».
«Kvitki pa kaśmičnaj canie nie pradali, banalna hrošaj nie chapiła… Na apłatu hanararu».
Raniej biełarusy aburylisia rekordna darahimi kvitkami na majučy adbycca rok-kancert. Mnohija nie čakali takich rascenak. Košt kvitkoŭ na dva dni pačynaŭsia ad 230 rubloŭ, fan-zona — 420, VIP — 700. Letaś ceny byli značna nižejšyja: ad 23 rubloŭ za kancertny viečar, a maksimalnaja cana dasiahała 185 BYN.
Chto staić za fiestyvalem?
Fiestyval «Soncastajańnie» — nie prosta muzyčny ŭikend. Pavodle źviestak žurnalistaŭ-śledčych «Biuro», da arhanizacyi mierapryjemstva datyčny Alaksandr Zajcaŭ — biznesmien, jakoha nazyvajuć «kašalkom» Alaksandra Łukašenki. Jon ža — fihurant sankcyjnych śpisaŭ ES.
Siarod chedłajnieraŭ rok-fiestyvalu «Soncastajańnie» — rasijskija artysty, jakija padtrymali vajnu va Ukrainie: Julija Čyčeryna, jakaja niadaŭna vystupała ŭ Breście na Dzień pamiaci, Śviatłana Surhanava, hurty «Alisa», «Aryja», «Čajf».
Darečy, arhanizatary paabiacali kampiensavać adsutnaść Nazareth «tajemnym hościem». Im staŭ Ki Marčeła — šviedski hitaryst i vakalist, najbolš viadomy jak były hitaryst chard-rok-hurtoŭ Europe i Easy Action. Siońnia jon praciahvaje solnuju karjeru.
Miarkujučy pa kamientarach, hledačy ličać hetuju zamienu nie raŭnaznačnaj.
«Zamiena navat blizka nie raŭnacennaja. I novy vykanaŭca zaprošany vidavočna nie za dzień učora».
«Viarnicie hrošy, kali łaska!»
«Skazać, što suciašeńnie słaboje — ničoha nie skazać».
«Nahadvaje minuły hod, jak z «Kino».
Na letašnim fiestyvali lehiendarnuju hrupu «Kino» ŭ apošni momant zamianili Z-kalektyvam «Kipiełaŭ». Tady arhanizatary napisali, što «Kino» nie voźmie ŭdzieł u rok-fiestyvali ŭ suviazi «z fors-mažornymi abstavinami».
Łukašenka choča pastavić na «Pałanezy» jadziernyja bojehałoŭki18
Łukašenka choča pastavić na «Pałanezy» jadziernyja bojehałoŭki
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary
PS. Spadarstva, voś ja ŭ junactvie 82-86h.h. minułaha st. słuchaŭ ciažki mietał, prabačcie, što nie łacinicaj, Akcept, Skorpijons, Dystrakšn i šmat inšych, tady chłopcam było niachaj pa 30 hadoŭ. Zaraz im daloka za 60-70, što vy chočacie pačuć i ŭbačyć? Dyk pasłuchajcie toj aryhinał ci pahladzicie tyja videa, a nie hetaje šoŭ pieńsijanieraŭ pad fanahramu. Nu nie budzie Uda Dirkšnajder vam tak śpiavać, jak heta było 30-40 hadoŭ tamu.