Kašalok Łukašenki staŭ uładalnikam brendu muzyčnaha fiestyvalu, kudy zaprašajuć rasijskich Z-śpievakoŭ
Blizki da siamji Łukašenki Alaksandr Zajcaŭ zarehistravaŭ na siabie brend muzyčnaha fiestyvalu ŭ Pružanach, piša «Biuro».
U kancy červienia 2025 hoda ŭ Pružanach na stadyjonie «Muchaviec» projdzie open-air «Soncastajańnie». Siarod anansavanych chedłajnieraŭ pakul tolki rasijskija muzyki, jakija padtrymali vajnu va Ukrainie: Julija Čyčeryna, Śviatłana Surhanava, hrupy «Alisa», «Arija», «Čajf» i rok-kalektyŭ «Krematoryj» — pra vajnu jon maŭčyć, ale raniej vystupaŭ u akupavanym Krymie.
Daśledniki z «Biuro» vyznačyli, što brendam fiestyvalu vałodaje kašalok Łukašenki Alaksandr Zajcaŭ. U žniŭni 2024 hoda biznesmien stvaryŭ kampaniju «Soncastajańnie» dla praviadzieńnia vidoviščnych kulturna-masavych mierapryjemstvaŭ. Jon ža zarehistravaŭ na siabie adnajmienny tavarny znak, jaki całkam supadaje z łahatypam fiestyvalu. U kastryčniku firma źmianiła staličnuju prapisku na Pružany.
Fiestyval «Soncastajańnie» startavaŭ u Biełarusi minułym letam. Na maštabnym kancercie tady vystupili Vadzim Samojłaŭ («Ahata Kristi»), Siarhiej Babuniec («Smysłavyja halucynacyi»), hrupy «Braty Hrym», «Maralny kodeks», «Park Horkaha», «Kipiełaŭ», «The Čyž & Co» i inšyja. Mnohija ź ich, jak, naprykład, Samojłaŭ i Kipiełaŭ, aktyŭna padtrymlivajuć vajnu.
U instahramie «Soncastajańnia», darečy, dziasiatki aburanych kamientaroŭ. Ludzi niezadavolenyja vysokimi cenami na bilety. Tak, u 2024 hodzie naviedvalniki vykładali ad 23 da 285 rubloŭ. A ŭ 2025-m bilety kaštujuć užo ad 190 da 650 rubloŭ u zaležnaści ad zony.
-
Navumčyk pra niezaležnaść Biełarusi: Pucin nie zdolny mabilizavać nivodnaha biełarusa na vajnu — nacyjanalnyja aŭtanomii Rasii nie majuć i hetaha
-
Muzykanty vydalajuć svaju muzyku sa Spotify, bo jon spansiruje kampaniju, jakaja vyrablaje tysiačy dronaŭ dla Ukrainy
-
U Biełarusi sioleta niama čarnic. Kali letaś narychtoŭščyki pryniali dziasiatki ton jahad, to sioleta — ničoha
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3737
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4646
Kamientary
piečalno eto. do "svobodnoj Biełarusi" stranie oj kak jeŝio daleko.
eto staniet vozmožnym tolko tohda, kohda na eti h**no-mieroprijatija (vklučaja słav.bazar) voobŝie prichodiť pieriestanut.
no uvy.. nie priedviditsia..