Nietańjachu ŭvioŭ Iran u zman z dapamohaj viasiella, a Tramp — svaimi zajavami
Jak śćviardžaje viadomy izrailski žurnalist Amit Siehał, Izrail damohsia efiektu raptoŭnaści z dapamohaj tonka pradumanaj apieracyi pa dezynfarmacyi. U joj uziali ŭdzieł izrailski premjer-ministr Bińjamin Nietańjachu i prezident ZŠA Donald Tramp, piša Bild.
«Pierad napadam na Iran była praviedziena apieracyja pa ŭviadzieńni ŭ zman, jakaja ŭklučała miedyjnyja i dypłamatyčnyja elemienty — jak na ŭnutranym, tak i na źniešnim uzroŭni. U joj udzielničali roznyja aktary», — raskazvaje Siehał.
Pa danych partała Axios, publičnyja zaściarohi Trampa adnosna mahčymaj ataki Izraila pa Iranie byli častkaj śpiektakla:
«Tramp i jahonyja daradcy tolki rabili vyhlad, što nie ŭchvalajuć ataku — na spravie ž jany nie piarečyli».
Izrail metanakiravana raspaŭsiudziŭ čutki, byccam Tramp choča praduchilić ataku. Sam Tramp taksama zajaviŭ, što Izrail moža nanieści ŭdar, ale nie ŭ najbližejšaj budučyni, i što ZŠA pa-raniejšamu imknucca da dypłamatyčnaha rašeńnia.
Pakolki schavać padrychtoŭku ŭ takim maštabie było niemahčyma, Izrail vybraŭ taktyku «schavajsia va ŭsich navidavoku», tłumačyć Siehał. Kali niemahčyma niešta ŭtaić — kažy pra heta adkryta ŭ raźliku na toje, što irancy padumajuć: «Sabaka, jaki hučna breša, nie kusaje». Tak Izrail pierakanaŭ irancaŭ, što napad (pakul što!) nie pahražaje.
Pa słovach Siehała, jašče adnym elemientam usypleńnia pilnaści Tehierana stała pryznačanaja na 15 červienia sustreča śpiecpasłańnika ZŠA Styviena Uitkafa ź iranskimi dypłamatami.
Akramia taho, ź Izraila «vyciekła» infarmacyja, byccam Nietańjachu nie raspačnie nijakich krokaŭ suprać Irana da viasiella svajho syna Aŭniera, pryznačanaha na 16 červienia.
Usio heta, śćviardžaje žurnalist, było častkaj płana.
Paśla pačatku apieracyi «Paŭstały leŭ» ZŠA zajavili, što Izrail dziejničaje samastojna — adnak izrailskija krynicy śćviardžajuć, što ZŠA padtrymali Nietańjachu. Pradstaŭnik urada Izraila zajaviŭ:
«My padali amierykanskaj administracyi dokazy taho, što Iran nabliziŭsia da stvareńnia jadziernaj bomby. Była praviedziena poŭnaja i ŭsiebakovaja kaardynacyja z amierykancami».
Paśla i Donald Tramp pryznaŭ, što viedaŭ pra majučuju adbycca apieracyju.
Tramp: Niezrazumieła, ci zastałasia ŭ Irana jadziernaja prahrama
Ataka Izraila pa Iranie: usio, što viadoma na hety momant
Tramp: Niekatoryja ŭ Iranie śmieła havaryli. Ciapier jany miortvyja, i budzie jašče horš!
«Rasijskija mu-mu vyhladajuć blednavata». Što pra ataki Izraila na Iran pišuć rasijskija vajenkary
Tramp adreahavaŭ na avijaŭdary Izraila pa Iranie
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary
Tam śmiešna Karłsan adreahavaŭ, toj, jaki Takier
Choć słovami padtrymaj.