U Mali žurnalisty z roznych mižnarodnych vydańniaŭ (u tym liku Forbidden Stories, France 24, Le Monde i «Važnyje istorii») vyjavili sietku sakretnych turmaŭ, arhanizavanych rasijskimi najmitami z PVK «Vahnier». Pavodle rasśledavańnia, hetyja turmy vykarystoŭvalisia dla ŭtrymańnia mirnych žycharoŭ i stali častkaj paralelnaj represiŭnaj sistemy, jakaja dziejničaje pobač z aficyjnymi siłami biaśpieki krainy, piša The Moscow Times.
Ź listapada 2023 hoda da krasavika 2025-ha, pavodle danych pravaabarončaj arhanizacyi Kal Akal, prynamsi 668 čałaviek byli zatrymanyja abo vykradzienyja. U asnoŭnym heta ludzi, jakich padazravali ŭ suviaziach z džychadzistami ci tuarehskimi paŭstancami, a taksama tyja, kaho zatrymlivali padčas masavych rejdaŭ.
Žurnalisty paviedamlajuć pra jak minimum šeść takich turmaŭ u roznych rehijonach krainy, a niekatoryja ź ich navat raźmiaščajucca na terytoryi aficyjnych vajskovych baz Mali. Ale ekśpierty miarkujuć, što realnaja kolkaść turmaŭ moža być značna bolšaj.
Analityk, jaki śpiecyjalizujecca na rehijonie Sachiel, adznačyŭ: «U «Vahniera» jość turmy amal paŭsiul, dzie jany dziejničajuć. Tych, kaho nie zabivajuć adrazu, adpraŭlajuć tudy». Častyja achviary — pastuchi, handlary, kiroŭcy.
Byłyja źniavolenyja, jakija znachodziacca ciapier u łahiery biežancaŭ Mbiera ŭ Maŭrytanii (dzie ciapier bolš za 118 tysiač čałaviek), raskazali pra katavańni: źbićcio pałkami i kabielami, utapleńnie, utrymańnie ŭ mietaličnych kantejnierach na śpiakocie, ździeki z dapamohaj elektratoku, hoład i prymusovaja praca. Adzin z byłych viaźniaŭ kazaŭ, što katavańni adbyvalisia pad rasijskuju muzyku.
Pa słovach aficera malijskaj armii, jaki pažadaŭ zastacca ananimnym, miascovyja siłaviki nie majuć kantrolu nad dziejańniami «vahnieraŭcaŭ». Hienieralny sakratar Kal Akal raspavioŭ, što vykradańni dziela vykupu stali zvyčajnaj źjavaj.
Heta rasśledavańnie stała častkaj prajekta «Viktoryja», nazvanaha ŭ honar ukrainskaj žurnalistki Viktoryi Roščynaj, jakaja zajmałasia temaj niezakonnych zatrymańniaŭ i zahinuła ŭ vieraśni 2024 hoda.
PVK «Vahnier» dziejničaje ŭ Mali z kanca 2021 hoda — paśla taho jak krainu pakinuła francuzskaja miratvorčaja misija i da ŭłady pryjšła vajskovaja chunta. 6 červienia 2025 hoda źviazany z «Vahnieram» telehram-kanał paviedamiŭ pra zaviaršeńnie jaho misii ŭ Mali.
U 2024 hodzie, pavodle The Washington Post i daśledčaj arhanizacyi ACLED, rasijskija najmity zabili ŭ Mali 925 mirnych žycharoŭ — udvaja bolš, čym isłamisckija hrupoŭki (kala 400 čałaviek).
«Z 100 šturmavikoŭ u žyvych zastalisia tolki 8». Vahnieraviec raskazaŭ pra maštab strat u bajach na miažy z Ukrainaj
PVK «Vahnier» mohuć z Afryki pieravieści ŭ Biełaruś
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany
Pavarotny momant u hramadzianskaj vajnie ŭ Sudanie: uradavyja vojski zaniali prezidencki pałac
Ciapier čytajuć
Rabotnicy «Minsk-Areny» dali kałoniju za «sadziejničańnie ekstremizmu»3
Rabotnicy «Minsk-Areny» dali kałoniju za «sadziejničańnie ekstremizmu»
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8989
Kamientary