«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany
Učora na parad, pryśviečany 9 Maja, pryjechała delehacyja biełarusaŭ, jakija vajavali na baku Rasii suprać Ukrainy. Prapahandyst Ryhor Azaronak z honaram pradstaviŭ «asablivuju kałonu».
Azaronak u videa nazyvaje napad Rasii na Ukrainu «praciaham Vialikaj Ajčynnaj vajny». I padvodzić da taho, što, maŭlaŭ, vahnieraŭcy — heta tyja ž vieterany Druhoj suśvietnaj.
Adzin ź ich — užo viadomy 44-hadovy Alaksiej Biarhovin z pazyŭnym «Brest». Jon kaža ŭ videa, što vahnieraŭcy niby pradaŭžajuć spravu dziadoŭ, jakija «trochu niedabili fašysckuju pačvaru i jana padymaje svaju hałavu». Za «fašystaŭ» jon ličyć krainy ES i Ukrainu.
Pobač ź im u čornym i taksama ŭ miedalach, z našytym rasijskim ściaham na rukavie — 46-hadovy minčuk Jaŭhien Čachoŭski. «Ženia ŭ nas nohi straciŭ nie tak daŭno na SVA», — pradstaŭlaje tavaryša z kijkom Biarhovin.
U videa Jaŭhien kaža, što ŭdzielničaŭ u šturmach Bachmuta i Saladara. Uznaharody na jaho hrudziach — heta dva miedali ad PVK «Vahnier» za ŭdzieł u miasnych šturmach Bachmuta, čorny (akopny) kryž PVK «Vahnier» i miedal ad «DNR» «Za vyzvaleńnie Arciomaŭska» (staraja nazva Bachmuta).
U Čachoŭskaha jość žonka i dzicia.
Vahnieraviec u panamcy — 24-hadovy Jaŭhien Bułko. Jon z Hrodna. Viadoma, što raniej zajmaŭsia lohkaj atletykaj i ŭdzielničaŭ u spabornictvach. Imia Bułko jość na sajcie «Miratvorac».
U videa Bułko kaža, što vajuje z pačatku 2023 hoda. «Praciahvajem zmahacca za ajčynu. U nas Sajuznaja dziaržava, my musim abaraniać našy miežy», — śćviardžaje jon.
Jašče adzin małady vahnieraviec, jaki pryjechaŭ na 9 Maja, — 26-hadovy ŭradženiec Miadziela Siarhiej Minkievič. U jahonych sacsietkach — pacanskija cytaty, rep i miemy. Chłopiec uznaharodžany vahnieraŭskim kryžom.
U Kryminalnym kodeksie Biełarusi jość artykuł 361-3 za ŭdzieł na terytoryi zamiežnaj dziaržavy va ŭzbrojenym farmiravańni abo ŭzbrojenym kanflikcie, vajennych dziejańniach, viarboŭcy. Adnak pa im sudziać tolki dobraachvotnikaŭ, jakija abaraniajuć Ukrainu ad Rasii. Tych ža, chto pajechaŭ vajavać za Rasiju, ułady i prapahanda hanarova prymajuć.
«Naša Niva» — bastyjon biełaruščyny
PADTRYMAĆCiapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca4
Kamientary
Chacia, ja ž zabyŭ, što nie da zakonaŭ.
[Zredahavana]