«Sa 100 šturmavikoŭ u žyvych zastalisia tolki 8». Vahnieraviec raskazaŭ pra maštab strat u bajach na miažy z Ukrainaj
Były kamandzir uzvoda PVK «Vahnier» z pazyŭnym «Relej» abnarodavaŭ videa, u jakich raskazaŭ pra katastrafičnyja straty rasijskich vojskaŭ u bajach u Sumskaj vobłaści. Tak padčas šturmu ŭkrainskaha vioski Kandrataŭka, pavodle jaho słoŭ, sa 100 šturmavikoŭ u žyvych zastalisia tolki 8. Hetyja vosiem, pavodle vahnieraŭca, padniali nad Kandrataŭkaj rasijski fłah, ale zamiest padtrymki ich nazvali «500-ymi» (deziercirami) i pahnali ŭ novy šturm.
Pa słovach «Releja», vaśmiarych vyžyłych nie tolki abvinavacili ŭ deziercirstvie, ale i prymusili amal adrazu rychtavacca da novaha šturmu.
«Z-za taho, što jany vyžyli, im kamandzir skazaŭ, što jany 500-ja, bo jany chavalisia. Kamandzir z pazyŭnym «Šeršań» skazaŭ: Nichto nie pavinien byŭ vyžyć», — raskazvaje vahnieraviec.
Pavodle jaho słoŭ, tym, chto vyžyŭ, dali paru hadzin adpačyć paśla tydnia bieź ježy i vady — i nazad u boj: «Kažuć, usio roŭna vy ŭsie zdochnicie».
Heta adbyłosia, pavodle «Releja», u 40-j asobnaj bryhadzie marskoj piachoty (v/č 10103). Ahulnyja straty padraździaleńnia takim čynam składajuć 92%.
«Prosta ściorli ludziej u nul», — reziumuje były kamandzir-vahnieraviec.
U kancy maja ŭ Minbarony RF zajavili, što rasijskija vojski stvarajuć «sanitarnuju zonu» na miažy z Ukrainaj. Prezident Rasii Uładzimir Pucin padčas narady z uradam 22 traŭnia taksama paćvierdziŭ, što rasijskija vojski «vyrašajuć zadaču» pa farmiravańni bufiernaj zony na miažy z Ukrainaj.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary
jany dapamahajuć adpraŭlać zerhaŭ u piekła!