Historyja2323

Kamandujučym NATA staŭ hienierał Hrynkievič. Uražvaje, nakolki jon padobny da niekatorych Hrynkievičaŭ, jakija žyvuć u Biełarusi

Jakija jašče byli viadomyja biełarusy Hrynkievičy? Jany takija roznyja. Akazvajecca, hetaje proźvišča nastolki raspaŭsiudžanaje, što hety rod daŭ nacyi jak praviednikaŭ, tak i prystasavancaŭ. 

Hienierał Aleks Hrynkievič budzie hałoŭnakamandujučym abjadnanymi siłami NATA ŭ Jeŭropie. Fota: AP Photo/Jon Gambrell, File

Hienierał Aleks Hrynkievič (Alexus Grynkewich) pryznačany hałoŭnakamandujučym abjadnanymi siłami NATA ŭ Jeŭropie. Jon nie adzin viadomy čałaviek z takim proźviščam.

Z rodu Hrynkievičaŭ vyjšła niekalki słaŭnych ludziej XX stahodździa: jak biełaruskija palityki, padpolščyki, miedyki, tak i savieckija hienierały. A ŭ našy časy jość i Hrynkievič-palitviazień, i Hrynkievič-sudździa — jaki sudziŭ Siarhieja Cichanoŭskaha. Dakładniej, praŭda, kazać nie «z rodu», a «z rodaŭ», bo hetaje nastolki častaje proźvišča, jano zaradziłasia paralelna ŭ roznych miascovaściach. 

Proźvišča Hrynkievič spradviečna biełaruskaje. Jano pachodzić ad imieni «Hrynia, Hryńka» — heta, jak i Hryc, Hryć, Hryń, Hryša, Hryška, pamianšalnaje ad Ryhor. Tamu Hrynkievičaŭ u Biełarusi mnoha — jak i nośbitaŭ proźviščaŭ Hryckievič, Hrycaviec, Hryń, Hryc, Hrycuk, Hryharenia i Lihor.

Ceły kust Hrynkievičaŭ pachodzić z Sakolščyny, rajon horada Sakołka, — hetaja ziamla ŭ miežach ciapierašniaj Polščy da siaredziny XX stahodździa była sucelna biełaruskamoŭnaj.

Stul vyjšli takija značnyja postaci biełaruskaj historyi, jak Siarhiej Prytycki, Alaksiej Karpiuk, Balasłaŭ Hrabinski.

Stul ža, ź vioski Novy Dvor na race Bobry, vyjšaŭ Francišak Hrynkievič (1884—1933) — adzin ź pieršych ksiandzoŭ, jakija biełarusizavali kaścioł. Jon vučyŭsia ŭ Insbruku i Miunchienie, a paśla słužyŭ u Horadni i arhanizavaŭ tam biełaruski hurtok, ź jakoha vyjšła šmat patryjatyčnaj moładzi.

Francišak Hrynkievič byŭ kapiełanam Bryhickaha kaścioła i prefiektam škoł u Horadni. Fota Wikimedia Commons

Jahony małodšy brat Stanisłaŭ Hrynkievič (1902—1945) byŭ z tych biełaruskich samarodkaŭ, što prajavili siabie i ŭ navucy, i ŭ haspadarcy, i ŭ palitycy. Ale mižvajennyja palaki nie davali im chodu, a saviety biaźlitasna vyniščali.

Staś Hrynkievič byŭ viadomym doktaram-psichijataram. Pracavaŭ u klinicy ŭ Vilni, vykładaŭ u Biełaruskaj himnazii ŭ Vilni i ŭ miedinstytucie ŭ Novaj Vialejcy. Ale pry hetym ciahnuŭsia i da hramadskaj dziejnaści. U 1931—1936 hadach jon byŭ namieśnikam staršyni papularnaj partyi Biełaruskaja chryścijanskaja demakratyja. Palaki aryštoŭvali jaho za jaho publikacyi — jon niamała pisaŭ na miedycynskija, hramadskija i palityčnyja temy. I da haspadarki mieŭ schilnaść: tady ž jon kupiŭ pad Vilniaj u Jeruzalimcy 17 hiektaraŭ ziamli z chataj, u jakich pasialiŭ svajakoŭ.

Stanisłaŭ Hrynkievič byŭ z tych biełaruskich samarodkaŭ, što prajavili siabie i ŭ navucy, i ŭ haspadarcy. Ale palaki nie davali im chodu, a saviety biaźlitasna vyniščali. Fota Wikimedia Commons

Kali ŭ 1939-m saviety zaniali Vilniu, jany Hrynkieviča jak aktyvista antykamunistyčnaj partyi aryštavali, ale jon zdoleŭ uciačy ź ciahnika padčas etapu. U vajnu Hrynkievič uchilaŭsia ad usiakaj supracy ź niemcami, ale ŭdzielničaŭ u pracy padpolnaj Biełaruskaj niezaležnickaj partyi. Saviety paŭtorna aryštavali jaho ŭ 1944 i rasstralali ŭ 1945-m.

Inšy Stanisłaŭ Hrynkievič (1913—1966), małodšy, byŭ plamieńnikam tych Franciška i Stanisłava. Taksama miedyk, siabar spačatku Biełaruskaha studenckaha sajuza, a paśla Biełaruskaj niezaležnickaj partyi, jon paśla Druhoj suśvietnaj trapiŭ u ZŠA. Byŭ siabram Rady BNR.

Stanisłaŭ Hrynkievič-małodšy byŭ siabram Rady BNR. Fota Wikimedia Commons

Andrej Hrynkievič (nar. 1960 u Bierlinie) byŭ dypłamatam, pasłom Biełarusi spačatku ŭ skandynaŭskich krainach, a paśla ŭ Rumynii.

Pasoł Biełarusi Andrej Hrynkievič uručaje davierčyja listy prezidentu Rumynii Kłaŭsu Iahanisu. Fota MZS Biełarusi

Byli i Hrynkievičy, što prajavili siabie ŭ šerahach Savieckaj armii. 

Franc Hrynkievič (nar. 1905, Homiel — 1943) kamandavaŭ savieckaj hvardziejskaj tankavaj bryhadaj i zahinuŭ u bajach pad Zaparožžam.

Dźmitryj Hrynkievič (1923—2009) sumlenna prajšoŭ usiu armiju, dasłužyŭsia da kapitana. A ŭ paślavajenny čas daros na słužbie da hienierał-pałkoŭnika, načalnika Hałoŭnaha štaba — pieršaha namieśnika kamandujučaha Suchaputnymi siłami (1981—1990).

Dźmitryj Hrynkievič (1923—2009) — hienierał-pałkoŭnik, načalnik Hałoŭnaha štaba — pieršaha namieśnika kamandujučaha Suchaputnymi siłami

Architektar Robiert Hrynkievič (1941—2021) byŭ rodam z Baranavič, a pracavaŭ u Bieraści.

Huhlicca i 34-hadovy Źmicier Hrynkievič — achoŭnik Alaksandra Łukašenki sa Słužby biaśpieki prezidenta.

A Alaksandr Hrynkievič 15 hadoŭ, z 2000 da 2015, byŭ staršyniom Hrodzienskaha abłasnoha suda.

Jość Hrynkievič i siarod siońniašnich biełaruskich pakutnikaŭ. Barysa Hrynkieviča (naradziŭsia ŭ 1985) z Salihorska schapili ŭ 2024 hodzie i asudzili pa cełym bukiecie palityčnych artykułaŭ (130, 342, 361, 368, 369) na pakul nieviadomuju kolkaść hadoŭ.

Ułady ŭnieśli jaho śpisy «ekstremistaŭ» i «terarystaŭ» — jak i sotni inšych asudžanych pa anałahičnych artykułach, zvyčajna heta robicca za zakliki da pratestaŭ suprać dyktatury i falsifikacyi vybaraŭ. Trymajuć jaho ŭ IK №1 Navapołacka, dzie i Viktara Babaryku.

Palitviazień Barys Hrynkievič. Fota spring96.org

Ale što b vy dumali — jość i Hrynkievič Ivan siarod sudździaŭ, jakija štampujuć pryhavory palityčnych źniavolenym. Jon staršynia suda Žodzina, u jaho jurysdykcyi — i žodzinskaja turma. I mienavita jon na paŭtornym sudzie sudziŭ Siarhieja Cichanoŭskaha. 

Staršynia suda horada Žodzina Ivan Hrynkievič 

27 lutaha 2023 hoda jon pryznaŭ muža Śviatłany Cichanoŭskaj vinavatym i pryznačyŭ jamu ŭ dadatak da 18 hadoŭ kałonii jašče paŭtara hoda źniavoleńnia. Jon byŭ adnym z apošnich, akramia turemščykaŭ, ludziej, jakija bačyli Cichanoŭskaha. Amal adrazu paśla taho pracesu, z 9 sakavika 2023 hoda, Siarhieja Cichanoŭskaha pačali ŭtrymlivać u poŭnaj izalacyi ad śvietu ŭ režymie inkamunikada. 

Zusim inšaja dola ŭ hienierała Aleksa Hrynkieviča, jaki zrabiŭ karjeru ŭ amierykanskaj armii i ciapier budzie kamandavać samaj mahutnaj vajskovaj hrupiroŭkaj na jeŭrapiejskim kantyniencie.

Pradzied hienierała Illa Hrynkievič žyŭ u Minsku, a ŭ kancy XIX stahodździa emihravaŭ u ZŠA. Tady mnohija biełarusy jechali ŭ Paŭnočnuju Amieryku ŭ pošukach lepšaj doli.

U Ńju-Jorku Hrynkievič źmianiŭ imia na Elijas i ažaniŭsia z uradženkaj Vilni Nastaśsiaj Śnihierevič. Para žyła ŭ Bruklinie i pracavała ŭ hateli. Adnym z čatyroch dziaciej Elijasa i Nastaśsi byŭ Mikałaj (Nikałas) Hrynkievič, dzied hienierała. A jaho baćka Hrehary byŭ viadomym navukoŭcam z patentami i vynachodstvami ŭ śfiery paŭpravadnikoŭ.

Aleksus Hrynkievič słužyŭ u avijacyi, nalotaŭ bolš za 2300 hadzin na źniščalnikach, a ciapier jon uznačalvaje ŭpraŭleńnie ŭ kamitecie načalnikaŭ štaboŭ.

Paśviedčańnie ab šlubie pradzieda i prababuli Aleksa Hrynkieviča — Illi (Haljaša) Hrynkieviča i Nastaśsi (Anastasii) Śniehirevič. 7 kastryčnika 1906 hoda, Ńju-Jork

Inšaja dola — ale ž taja ž kroŭ.

Uražvaje, nakolki padobnyja tvary dvuch Hrynkievičaŭ z, mahčyma, «minskaj linii rodu», Aleksa i Ivana — choć inšych raździalajuć jak minimum čatyry pakaleńni i stolki inšych hienaŭ. Tyja ž vočy, toj ža nos.

Hienierał Aleks Hrynkievič, jaki ŭznačalvaje siły NATA ŭ Jeŭropie. I sudździa z Žodzina Ivan Hrynkievič, jaki sudziŭ Siarhieja Cichanoŭskaha. Fota źleva AP Photo/Jacquelyn Martin, File. Kałaž «Našaj Nivy»

Kamientary23

  • Vavan
    11.06.2025
    Śmiešno kohda VSIECH urožienciev s ziemiel hdie tiepieŕ hosudarstvo Biełaruś nazyvajut biełorusami.... Po kakomu priznaku? Po jazyku? Miesto roždienija ? Ili samosoznaniju? Možiet rielihii? Nie nado natiahivať sovu na nłobus
  • Malčik chočiet v Tambov
    11.06.2025
    Po mnohim priznakam
  • kłaśsik
    11.06.2025
    kłasik, hałoŭnaje kab nie vahaŭsia bambić chataskrajnikaŭ i prykarytnikaŭ

Ciapier čytajuć

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia8

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia

Usie naviny →
Usie naviny

Minskaja dyzajnierka: Razmaŭlać pa-biełarusku, nie spytaŭšy surazmoŭcu, ci zručna jamu, — śvinstva88

U Amurskaj vobłaści Rasii dziaŭčyna vypadkova vykinuła $75 tysiač. Uvišnyja susiedzi znajšli na śmietniku: častku prapili, na reštu kupili dom1

Na vulicy Matusieviča ŭ Minsku pobač ź dziciačym sadkom upaŭ bieśpiłotnik38

Kamandarm Litvy: Moža być i tak, što nijaki abjekt u Litvu ź Biełarusi i nie zalataŭ4

U achoŭnika Pucina zaŭvažyli ŭ rukach nieviadomuju pryładu. Ekśpierty vyznačyli jaho jak dron-pierachopnik4

Rasija ŭdaryła pa kałonii ŭ Zaparožskaj vobłaści. Zahinuli 16 čałaviek

«Fantastyčnaja čaćviorka: Pieršyja kroki» — novy błakbastar z supierhierojami i Piedra Paskalem. Tam zhadvajecca i Minsk3

Jak źmianilisia biełarusy paśla 2020 hoda? Cikavaje nazirańnie byłoha palitviaźnia8

Ukrainskija bieśpiłotniki atakavali bujny čyhunačny vuzieł u Rastoŭskaj vobłaści2

bolš čytanych navin
bolš łajkanych navin

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia8

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić