Ukraina atakavała technapark i zavod pa vytvorčaści bieśpiłotnikaŭ u Padmaskoŭi
U noč na 28 maja ŭkrainskija bieśpiłotniki masava atakavali Maskoŭski rehijon. Pavodle paviedamleńniaŭ mera Maskvy Siarhieja Sabianina, z 00:00 da 04:00 na padlocie da stalicy siłami supraćpavietranaj abarony (SPA) byli źbity 33 drony.
Pavodle danych hubiernatara Maskoŭskaj vobłaści Andreja Varabjova, da siami ranicy nad rehijonam užo było źniščana 42 bieśpiłotniki. Pad udar trapiŭ Zielenahrad, dzie prahučała nie mienš za šeść vybuchaŭ. Paśla hetaha nad haradskoj pramysłovaj zonaj uźniaŭsia čorny dym.
Ataka pryjšłasia na technapark «Ełma», pradpryjemstvy-rezidenty jakoha vyrablajuć elektronnyja i aptyčnyja vyraby, kantrolna-vymiaralnyja prybory i apracoŭvajuć roznyja materyjały. Usiaho ŭ technaparku pracujuć bolš za 150 kampanij, piša Astra.
Pavodle danych Mash, u vyniku padzieńnia abłomkaŭ na terytoryi technaparka zhareŭ aŭtamabil, nichto nie paciarpieŭ.
Taksama ŭkrainskija drony atakavali Dubnu, dzie prahučała kala 15 vybuchaŭ. U horadzie było atakavana pradpryjemstva pa raspracoŭcy bieśpiłotnikaŭ «Kranštadt». Na hetym zavodzie, u pryvatnaści, vyrablajuć udarna-raźviedvalnyja drony «Aryjon». Akramia taho, drony byli źniščany nad Troickam, Damadziedavam, Padolskam, a taksama pasiołkami Troickim i Brońnicami.
U Troicku abłomki bieśpiłotnika ŭpali na čałavieka, ale jon abyšoŭsia niaznačnymi ranieńniami. U vioscy Troickaje ŭ vyniku padzieńnia dronaŭ byli paškodžanyja try žyłyja damy, nichto z žycharoŭ nie paciarpieŭ.
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary