Raźviedka Ukrainy: Biełaruskaja armija nie zdolnaja na maštabnyja bajavyja dziejańni
Aleh Ivaščanka, kiraŭnik Słužby zamiežnaj raźviedki Ukrainy, raskazaŭ «Ukrinfarmu», jak ukrainskija śpiecsłužby aceńvajuć zdolnaść biełaruskaha vojska pajści va Ukrainu.
Ci možna čakać pahrozy z boku Biełarusi, spytaŭ karespandent Ivaščanku.
— Na siońnia biełaruskaje vojska nie zdolnaje na maštabnyja bajavyja dziejańni. Usio, što jany trymajuć la našaj miažy — heta kala 2000 vajskoŭcaŭ tolki dla taho, kab nas adciahvać. Heta značyć, bajavy skład nievialiki, pierad vajnoj byŭ niazdolny vieści nastupalnyja dziejańni, i maralna ich vajskoŭcy da hetaha nie hatovyja.
Siarod biełaruskich kamandziraŭ mnohija atrymlivali adukacyju ŭ Rasii. Jašče ŭ 2022 hodzie jany cisnuli na Łukašenku, kab jon ustupiŭ u vajnu. Ale sami biełarusy — i vajskoŭcy, i zvyčajnyja ludzi — hetaha nie chočuć.
Jašče treba mieć na ŭvazie, što na siońnia ekanomika Biełarusi całkam zaležyć ad Rasijskaj Fiederacyi.
Kali ŭ 2022 hodzie ŭ Rasii, jakaja płanavała skončyć vajnu «za try dni», źjavilisia prablemy z uzbrajeńniem, Biełaruś pieradała im usio, što mahła, sa svaich składoŭ: bojeprypasy, techniku — T-72, BMP-2, pryceły, broniekamizelki, šlemy, stanki. Ciapier jany naładzili jašče vytvorčaść bojeprypasaŭ, jakich brakuje Rasii. Reaktyŭnyja, stvolnyja — usio, što treba dla vajny. Biełaruski VPK staŭ dadatkam rasijskaha. Kala 80% biełaruskich pradpryjemstvaŭ VPK intehravanyja ŭ rasijski VPK. Heta faktyčna adna baza.
Kamientary
Poleznyje tolko my!