Siarod zamiežnych klijentaŭ biełaruskich sanatoryjaŭ druhoje miesca paśla rasijan — u žycharoŭ krainy Jeŭrasajuza
Dyrektar Respublikanskaha centra azdaraŭleńnia i sanatorna-kurortnaha lačeńnia Hienadź Bałbatoŭski paviedamiŭ, što ŭ pieršym kvartale 2025 hoda kolkaść zamiežnych haściej u biełaruskich sanatoryjach vyrasła na 15% u paraŭnańni z anałahičnym pieryjadam minułaha hoda.
U 2024 hodzie sanatoryi Biełarusi naviedali ludzi z 67 krain. Zvyčajna kožny hod u ich pryjazdžajuć pradstaŭniki jak minimum 60 dziaržaŭ. Bolšaść ź ich — ź jeŭrapiejskich krain, ale taksama byvajuć hości z ZŠA, Kanady, Aŭstralii i krain Łacinskaj Amieryki.
Najbolš zamiežnych klijentaŭ pryjechała z Rasii, na druhim miescy — Łatvija, na trecim — Azierbajdžan.
Uvohule biełarusy składajuć 70% usich klijentaŭ biełaruskich sanatoryjaŭ, a inšaziemcy — 30%.
Pavodle słoŭ Bałbatoŭskaha, u minułym hodzie byli raspracavanyja 83 novyja miedycynskija prahramy i dadałosia bolš za 150 novych pracedur. Dziakujučy rostu zacikaŭlenaści z boku inšaziemcaŭ, prybytak ad ekspartu pasłuh pieravysiŭ 80 miljonaŭ rubloŭ.
Ciapier čytajuć
Na kanviercie Cichanoŭskaj napisana «Miedviediu O.V.» Što heta za čałaviek?16
Kamientary
Pry tym, što vyniki hetaha lačeńnia branch.asmy ŭ šachtach ašałamlalna stanoŭčyja, nidzie hetaje lačeńnie ŭ Biełarusi nie rekłamujecca, ludzi pra heta nia viedajuć i tamu pieratvarajucca ŭ invalidaŭ i raniej pamirajuć, a mahli by mieć doŭhaje paŭnavartasnaje žyćcio. My pra heta lačeńnie daviedalisia vypadkova ad pazabakovych ludziej, a ŭčastkovy i alarhołah pra heta nam ničoha nikoli nie kazali, choć staž chvaroby našaha dziciaci byŭ užo niekalki hadoŭ.
Majmu dziciaci hetaje sanatornaje lačeńnie amal vylačyła branchijalnuju asmu.
"Tolki tady zažyvieš dobra, narodzie, kali nad taboju, maskala ŭžo nia budzie."