Pastupić u Jeŭropu ŭsio jašče realna. Jeŭrapiejski humanitarny ŭniviersitet abjaviŭ ab praciahu pryjomnaj kampanii 2025

Litva zamiest Polščy 

Minadukacyi Polščy ŭskładniła pastupleńnie va ŭniviersitety mnohim zamiežnikam, pačaŭšy patrabavać ad ich śpiecyjalny siertyfikat ab vałodańni movaj navučańnia ŭzroŭniu V2, što stała pieraškodaj dla pastupleńnia.

Na hetym fonie dadatkovy nabor u Jeŭrapiejski humanitarny ŭniviersitet moža stać varyjantam dla tych, chto chacieŭ atrymać jeŭrapiejskuju adukacyju, ale nie zmoh pastupić u Polšču praz novaŭviadzieńni.

U suviazi ź vialikaj kolkaściu zvarotaŭ abituryjentaŭ, Jeŭrapiejski humanitarny ŭniviersitet padaŭžaje pryjomnuju kampaniju na ŭsie prahramy. 

Padać dakumienty možna da 24 žniŭnia ŭklučna. 

Minimalnyja patrabavańni pa dakumientach i navučańnie na ruskaj i biełaruskaj movach

Admietna, što dla pastupleńnia ŭ EHU biełarusam navat nie treba rabić apastyli na dakumienty, tamu paśpieć pasprabavać pastupić u jeŭrapiejski VNU mohuć u tym liku tyja, chto da hetaha nie dumaŭ pra vučobu za miažoj.

Na pieršych dvuch kursach asnoŭnyja movy navučańnia — biełaruskaja abo ruskaja. Pastupova kolkaść zaniatkaŭ na anhlijskaj movie pavialičvajecca, i na vychadzie studenty atrymlivajuć nie tolki jeŭrapiejski dypłom, ale i dobry ŭzrovień vałodańnia anhlijskaj movaj.

Na niekatorych prahramach — naprykład, pa historyi — biełaruskaja mova zastajecca asnoŭnaj na praciahu ŭsiaho navučańnia.

Bakałaŭryjat: 9 śpiecyjalnaściaŭ — 7 bieź ispytaŭ

Dla tych, chto tolki skončyŭ škołu, EHU prapanuje 9 bakałaŭrskich prahram. Ź ich siem — biez ustupnych ispytaŭ:

• infarmatyka
• prava
• historyja
• biznes-ekanomika
• jeŭrapiejskaja spadčyna i kreatyŭny turyzm
• palityka i mižnarodnyja adnosiny
• miedyja i kamunikacyja

Ispyty praduhledžany tolki na dźviuch tvorčych śpiecyjalnaściach:

• teatralnaje mastactva i akciorskaja hulnia
• vizualny dyzajn

Mahistratura 

• Kanceptualny dyzajn i sučasnaje mastactva
• Hiendarnyja daśledavańni
• Urbanistyčnyja daśledavańni
• Publičnaja palityka i palityčnaja kamunikacyja
• Raźvićcio kulturnaj spadčyny
• Mižnarodnaje prava i daśledavańni biaśpieki
• Mižnarodnaje handlovaje i biźnies-prava (LL.M.) (nabor z 15 listapada)

Daktarantura — fiłasofija.

Finansavyja pytańni

Studenty EHU mohuć pretendavać na atrymańnie hranta, jaki pakryvaje 100% koštu navučańnia ŭ siemiestry. Admietna, što pretendavać na hrant možna adrazu paśla pastupleńnia. 

Padtrymka dastupnaja ŭžo ź pieršaha kursa — rašeńnie prymajecca na padstavie školnych dasiahnieńniaŭ: alimpijad, daśledavańniaŭ i inšych zasłuh.

Akramia hrantaŭ, aktyŭnyja studenty mohuć raźličvać na stypiendyju ŭ pracesie navučańnia.

Płatnaje navučańnie dla hramadzian Biełarusi na bolšaści prahram bakałaŭryjata i mahistratury kaštuje na 20—25% tańniej, čym dla inšych zamiežnych studentaŭ.

Nie abaviazkova pierajazdžać

EHU prapanuje jak vočnuju, tak i zavočnuju (dystancyjnuju) formu navučańnia. Zavočniki mohuć žyć i pracavać u Biełarusi, adnačasova atrymlivajučy jeŭrapiejskuju adukacyju. Takaja forma dastupnaja dla 6 z 9 prahram.

Pavialičyć

Pry hetym u niezaležnaści ad formy navučańnia, univiersitet dapamahaje spačatku atrymać vizu, a paśla — vid na žycharstva ŭ Litvie, jaki daje prava nie tolki vučycca, ale i pry patrebie padpracoŭvać (da 20 hadzin na tydzień).

Ci možna pieravieścisia ŭ EHU ź inšaj VNU?

U EHU adznačajuć, što ich dźviery adčynienyja dla tych, chto ŭžo vučycca ŭ inšaj ustanovie, ale zrazumieŭ, što abraŭ nie tuju śpiecyjalnaść ci pa inšych pryčynach. 

Kab pieravieścisia, dastatkova dla pačatku zajavić pra žadańnie vučycca na kankretnaj prahramie ŭ EHU (nahadajem, ciapier EHU prapanuje 17 prahram — 9 bakałaŭrskich, 7 mahistarskich i adnu doktarskuju).

Dalej centr akademičnaj padtrymki analizuje navučalnuju nahruzku i vyznačaje, na jaki kurs moža być zaličany student. Pry hetym nie maje značeńnia, ci pačynaŭ jon navučańnie ŭ Biełarusi, Polščy abo inšaj krainie.

Zapisacca na kansultacyju i bolš padrabiazna vyvučyć mahčymaści navučańnia ŭ EHU možna na sajcie ŭniviersiteta, a taksama źviazaŭšysia z pradstaŭnikami ŭstanovy pa telefonie +370-644-96-317 (Viber, Telegram, WhatsApp).

Padać ankietu abituryjenta možna pa spasyłcy.

• 1
• 0
• 0
• 1
• 0
• 0
• 0
• 0