U pravincyi Huandun u Kitai zafiksavana ŭžo bolš za 7000 vypadkaŭ zaražeńnia virusam Čykunhuńja. Asabliva šmat chvorych u dziesiacimiljonnym horadzie Fašań, dzie infikavanych trymajuć u špitalach, achinuŭšy łožki maskitnymi sietkami. Jany zastajucca tam da tydnia, pakul u ich arhaniźmie nie pierastanie prajaŭlacca virus, piša Bi-bi-si.
Virus pieranosicca tolki praz ukusy kamaroŭ — ad čałavieka da čałavieka jon nie pieradajecca. Pry zaražeńni źjaŭlajucca vysokaja tempieratura i mocny bol u sustavach, jaki moža zachoŭvacca navat hadami. Pakul što ŭsie vypadki ŭ Kitai prachodziać u lohkaj formie, a 95% chvorych vypisvajucca ŭžo praz tydzień.
Čykunhuńja —heta virusnaja infiekcyja, jakaja pieradajecca praz ukusy kamaroŭ. Praz 3—7 dzion paśla zaražeńnia źjaŭlajucca simptomy: lichamanka, bol u sustavach, vysypka, hałaŭny bol, acioki. U bolšaści vypadkaŭ stan palapšajecca praz tydzień, ale bol u sustavach moža zastavacca doŭhi čas. Asabliva ciažka pieranosiać chvarobu niemaŭlaty, pažyłyja ludzi i tyja, chto maje chraničnyja zachvorvańni. Lekaŭ ad virusu niama, ale śmiarotnaść ad jaho vielmi nizkaja.
Niahledziačy na heta, virus, jaki raniej u Kitai amal nie sustrakaŭsia, vyklikaŭ peŭnaje chvalavańnie siarod nasielnictva. Čykunhuńja čaściej byvaje ŭ Afrycy i Paŭdniova-Uschodniaj Azii, u Kitai ž takaja chvaroba — redkaść.
Virus upieršyniu byŭ vyjaŭleny ŭ Tanzanii 70 hadoŭ tamu. Nazva «Čykunhuńja» pachodzić z movy makonde i aznačaje «skručany», što adlustroŭvaje typovyja simptomy.
Akramia Fašania, vypadki zaražeńnia ŭžo zafiksavany jak minimum u 12 haradach pravincyi Huandun. Za apošni tydzień — amal 3000 novych vypadkaŭ. U Hankonhu taksama zafiksavali pieršy vypadak — u 12-hadovaha chłopčyka, jaki niadaŭna viarnuŭsia z Fašania.
Ułady pravodziać dezynfiekcyju, zmahajucca z kamarami, źlivajuć stajačyja vody, dzie mohuć być ich ličynki, i navat štrafujuć tych, chto nie vykonvaje praviły (da 10 tysiač juaniaŭ). Śpiecyjalna zapuskajuć taksama karysnych nasiakomych i ryb, što jaduć kamaroŭ i ich ličynak.
Niekatoryja paraŭnoŭvajuć hetyja miery z žorstkimi abmiežavańniami padčas COVID-19 i sumniavajucca, ci nastolki strohija zachady ciapier apraŭdanyja.
Navukoŭcy vyśvietlili, čamu ŭ Cichim akijanie vymierli miljardy marskich zorak
«Nichto nie maje prava zabaranić mnie abniać dzicia». Minčanka ździviłasia strohim praviłam u dziciačym letniku
Karanavirus paskoryŭ stareńnie mozhu navat u tych, chto nie chvareŭ
Klaščy pakusali 2000 biełarusaŭ u adnoj tolki vobłaści
Ciapier čytajuć
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary