Rasija, mahčyma, znoŭ rychtujecca da vyprabavańniaŭ rakiety ź jadziernym ruchavikom «Buravieśnik» — adnaho z typaŭ «cuda-zbroi», pra jakuju ŭ 2018 hodzie abviaščaŭ Uładzimir Pucin. U ZŠA jaje prazvali «latajučym Čarnobylem» z-za patencyjnaj radyjacyjnaj niebiaśpieki, piša The Moscow Times.
Jak paviedamlaje ekśpiert pa jadziernaj zbroi Dekier Evielet z analityčnaj kampanii CNA, u apošni čas nazirajecca aktyvizacyja rabot na palihonie Pańkova na archipiełahu Novaja Ziamla, dzie raniej pravodzilisia vyprabavańni «Buravieśnika».
Akramia taho, da hetych terytoryj ZŠA nakiravali samalot radyjacyjnaj raźviedki WC-135R, što taksama moža śviedčyć pra padrychtoŭku da novych vyprabavańniaŭ. Pavodle danych FlightRadar, samalot kružyŭ kala 14 hadzin nad Barancavym moram, niepadalok ad Novaj Ziamli.
Pavodle infarmacyi amierykanskaj raźviedki, pa stanie na kastryčnik 2023 hoda Rasija praviała 13 vyprabavańniaŭ rakiety, i ŭsie jany byli niaŭdałymi. Samy praciahły palot doŭžyŭsia tolki dźvie chviliny, i rakieta nie pieraadoleła bolš za 35 kiłamietraŭ.
Adna sa sprob u 2019 hodzie skončyłasia trahiedyjaj: rakieta ŭpała ŭ Barancava mora, a padčas jaje padjomu adbyŭsia vybuch, u vyniku jakoha zahinuli 7 čałaviek. Utvaryłasia radyjacyjnaje vobłaka, jakoje dasiahnuła nie tolki rasijskaha Sievieradźvinska, ale i skandynaŭskich krain.
U 2020 hodzie pradstaŭnik ZŠA pa kantroli nad uzbrajeńniami Maršał Bilinhśli zaklikaŭ Rasiju spynić hetyja «niebiaśpiečnyja i sumnieŭnyja» vyprabavańni, nazvaŭšy rakietu «latajučym Čarnobylem». Jon adznačyŭ, što akramia jadziernaj bojehałoŭki jana maje jadziernaje paliva i moža raspaŭsiudžvać radyjacyju padčas palotu.
Pa słovach Pucina, apošnija vyprabavańni «Buravieśnika» ŭ kastryčniku 2023 hoda byli «paśpiachovymi», i rabota nad rakietaj «amal zavieršanaja».
Raźviedka ZŠA: Usie vyprabavańni «Buravieśnika» byli pravalnymi, ale da 2025 hoda Rasija moža stvaryć rakietu nieabmiežavanaj dalokaści
Tramp zajaviŭ pra vybuch rakiety «Buravieśnik» u Archanhielskaj vobłaści: ZŠA šmat čamu vučacca na hetym
Skačok radyjacyi ŭ Jeŭropie źviazali z vyprabavańniami rasijskaha «Buravieśnika»
ZŠA: vybuch pad Sievieradźvinskam adbyŭsia pry sprobie padniać rakietu «Buravieśnik»
Rasijskija ŚMI paviedamili novuju viersiju vybuchu pad Sievieradźvinskam
«Rosatam»: Pad Sievieradźvinskam vybuchnuła rakieta z radyjeaktyŭnaj krynicaj siłkavańnia, cieły zahinułych nie znajšli
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu52
Kamientary