Raźviedka ZŠA: Usie vyprabavańni «Buravieśnika» byli pravalnymi, ale da 2025 hoda Rasija moža stvaryć rakietu nieabmiežavanaj dalokaści
Raźviedsłužby ZŠA vyznačyli, što Rasieja pravodziła vyprabavańni kryłataj rakiety ź jadziernym ruchavikom «Buravieśnik» minimum piać razoŭ, adnak ni adno ź ich nie było paśpiachovym, paviedamlaje CNBC.
«Buravieśnik», taksama viadomy jak «Skyfall», prajšoŭ vyprabavańni adzin raz u pačatku hetaha hoda, a da hetaha zbroju testavali čatyry razy ź listapada 2017 pa luty 2018 hoda. Kožnaje vyprabavańnie było niaŭdałym, ličyć amierykanskaja vyviedka.
U raźviedcy ZŠA kažuć, što samy doŭhi palot «Buravieśnika» doŭžyŭsia ŭsiaho 2 chviliny, a samy karotki zapusk — usiaho 4 siekundy. Usie vyprabavańni, vidavočna, śviedčać ab tym, što jadziernaje «serca» kryłataj rakiety nie spracoŭvaje. U tym liku havorka idzie pra vybuch u Archanhielskaj vobłaści, kali zahinuli 5 rasijskich vučonych. Mienavita tamu zbroja nie moža dasiahnuć toj mety, da jakoj imkniecca Pucin.
«Niahledziačy na šerah niaŭdałych vyprabavańniaŭ, rasijskaja jadziernaja rakieta z tak zvanaj nieabmiežavanaj dalokaściu budzie hatovaja da vajny na praciahu nastupnych šaści hadoŭ, trochi chutčej, čym raniej mierkavałasia» — zajaŭlaje ahienstva.
U sakaviku 2018 prezident Rasii Ŭładzimir Pucin apublikavaŭ infarmacyju ab niekalkich novych uzorach ŭzbrajeńniaŭ, siarod jakich i «Buravieśnik». Pucin zajaviŭ, što rakieta pracuje na jadziernaj enierhii i maje nieabmiežavany radyus dziejańnia.
U lutym 2019 prezident RF Uładzimir Pucin zajaviŭ pra paśpiachovyja vyprabavańni kryłataj rakiety nieabmiežavanaj dalokaści ź jadziernaj ruchalnaj ustanoŭkaj «Buravieśnik».
Ciapier čytajuć
Bližejšym časam buduć vyzvaleny bolš za 150 palitźniavolenych24
Kamientary