Premjer-ministr Vialikabrytanii Kir Starmier moža ŭžo ŭ paniadziełak zrabić zajavu nakont svajoj adstaŭki. Pra heta paviedamiła hazieta Observer. Krynica va ŭradzie, praŭda, śćviardžaje, što ciapier Starmier zasiarodžany na svajoj pracy, piša Reuters.
Cisk na brytanskaha premjera ŭzmacniŭsia paśla pieramohi jaho ŭnutrypartyjnaha apanienta Endzi Biornema na dadatkovych vybarach u Mejkierfiłdzie. Viartańnie Biornema ŭ parłamient daje jamu mahčymaść aficyjna pretendavać na lidarstva ŭ Lejbarysckaj partyi.
Pavodle infarmacyi ahienctva Reuters, bolš za 100 deputataŭ-lejbarystaŭ publična zaklikali Starmiera pajści ŭ adstaŭku abo nazvać jaje datu. Sam jon zajaviŭ, što maje namier zmahacca za svaju pasadu i zaklikaŭ adnapartyjcaŭ nie asłablać partyju ŭnutranymi kanfliktami.
Pavodle paviedamleńniaŭ ŚMI, Starmier abmiarkoŭvaŭ svajo palityčnuju budučyniu sa svajoj žonkaj u zaharadnaj rezidencyi Čekiers. Čakajecca, što ŭžo 22 červienia jon zrobić bolš vyraznuju zajavu.
Endzi Biornem paśla svajoj pieramohi paabiacaŭ prapanavać krainie «novy šlach». Jaho prychilniki raźličvajuć na chutkuju pieradaču ŭłady biez praciahłaj baraćby za lidarstva ŭ partyi.
Kamientary