Sustreča Trampa i Pucina budzie, ale nie fakt, što na nastupnym tydni
Aficyjny pradstaŭnik Biełaha doma paćvierdziŭ, što Tramp hatovy sustrecca jak z Pucinym, tak i ź Zialenskim. Pres-sakratarka Trampa Kerałajn Livit paviedamiła, što inicyjatyva sustrečy pachodziła z boku Rasii.
«Rasijanie vykazali žadańnie sustrecca z prezidentam Trampam, i prezident adkryty dla sustreč jak z prezidentam Pucinym, tak i z prezidentam Zialenskim. Prezident Tramp choča, kab hetaja žorstkaja vajna skončyłasia», — zajaviła pres-sakratarka Biełaha doma Kerałajn Livit.
Pavodle infarmacyi telekanała Fox News, Tramp spačatku choča pravieści asabistuju sustreču z Pucinym, a potym užo dałučycca da razmovy z udziełam Zialenskaha.
«Ja tolki što byŭ u Zachodnim kryle, i mnie skazali, što Pucin sapraŭdy maje namier sustrecca z Trampam, prezident ZŠA adkryty da takoj sustrečy. Raniej siońnia ŭ Maskvie Uładzimir Pucin paviedamiŭ Styvu Uitkafu, što jon choča ŭ niejki momant sustrecca z Trampam. Zatym Uitkaf pieradaŭ hetaje paviedamleńnie prezidentu Trampu, jaki adkryty dla hetaha, ab mahčymaści sustrečy ŭžo na nastupnym tydni, kali vynikam hetaj sustrečy stanie spynieńnie vajny va Ukrainie», — paviedamiŭ karespandent Fox News Piter Dusi.
Raniej paśla pieramoŭ z Donaldam Trampam, jaki pieradaŭ jamu źmiest sustrečy śpiecyjalnaha pradstaŭnika Styva Uitkafa z Pucinym, prezident Ukrainy Uładzimir Zialenski adznačyŭ: «Padobna, što Rasija ciapier bolš nastrojenaja na spynieńnie ahniu. Cisk na ich pracuje».
Adnak ža, pavodle mierkavańnia adnoj z krynic telekanała CNN, arhanizavać sustreču ŭžo na nastupnym tydni, jak heta zajaŭlajecca, budzie niaprosta:
«Realizavać hetuju sustreču ŭ takija terminy budzie, vierahodna, składana, z pryčyny nieabchodnaści praviadzieńnia pieramoŭ, a taksama łahistyčnych pieraškod».
Sustreča Uitkafa z Pucinym była bolš praduktyŭnaj, čym čakałasia. Tramp nieadkładna sazvaniŭsia ź Zialenskim i lidarami Jeŭropy
«Vajna pavinna zaviaršycca. I heta pavinna być sumlennaje zaviaršeńnie». Zialenski raskazaŭ pra razmovu z Trampam
Tramp zajaviŭ pra prahres padčas sustrečy Uitkafa z Pucinym
Stała viadoma, jakim moža być «lohki pieršy krok» Trampa, kali Rasija praihnaruje jahony ultymatum
Ciapier čytajuć
Kruiz na ciepłachodzie «Biełaja Ruś» pa rekach Paleśsia kaštuje jak adpačynak u Turcyi. Ale kajuty na viasnu-leta amal vykuplenyja6
Kamientary