«Vajna pavinna zaviaršycca. I heta pavinna być sumlennaje zaviaršeńnie». Zialenski raskazaŭ pra razmovu z Trampam
Prezident Ukrainy Uładzimir Zialenski paviedamiŭ u svaim telehram-kanale pra razmovu, jakuju mieŭ z prezidentam ZŠA Donaldam Trampam paśla taho, jak zaviaršyłasia sustreča śpiecpradstaŭnika apošniaha Styva Uitkafa z prezidentam Rasii Uładzimiram Pucinym u Maskvie.
«Jakraz pa darozie ad našych bryhad na Sumščynie pravioŭ razmovu z prezidentam Trampam. Hetaja razmova adbyłasia paśla vizitu pradstaŭnika prezidenta Trampa Styviena Uitkafa ŭ Maskvu.
Naša ahulnaja pazicyja z partniorami absalutna vyraznaja: vajna pavinna zaviaršycca. I heta pavinna być sumlennaje zaviaršeńnie.
U razmovie taksama pryniali ŭdzieł jeŭrapiejskija lidary, i ja ŭdziačny kožnamu ź ich za padtrymku. My abmierkavali toje, što było ahučana ŭ Maskvie.
Ukraina abaviazkova abaronić svaju niezaležnaść. Nam usim patrebien praciahły i nadziejny mir. Rasija pavinna skončyć vajnu, jakuju sama ž i pačała. Dziakuj usim, chto padtrymlivaje Ukrainu», — zajaviŭ Zialenski.
Raniej Donald Tramp paviedamiŭ, što padčas sustrečy Uitkafa z Pucinym nibyta byŭ dasiahnuty vialiki prahres.
Ciapier čytajuć
Toj samy masažyst raskazaŭ, navošta zdymaŭ hołych klijentak2
Kamientary