Stała viadoma, jakim moža być «lohki pieršy krok» Trampa, kali Rasija praihnaruje jahony ultymatum
Pavodle infarmacyi vydańnia Financial Times, administracyja prezidenta ZŠA Donalda Trampa razhladaje mahčymaść uviadzieńnia novych sankcyj suprać tak zvanaha rasijskaha «cieniavoha fłotu», kali Rasija nie damovicca z Ukrainaj ab mirnym urehulavańni kanfliktu da piatnicy, 8 žniŭnia. Krynicy haziety nazvali heta «lohkim pieršym krokam».
Havorka idzie pra naftanosnyja i inšyja tankiery, jakija Rasija vykarystoŭvaje dla abychodu ŭžo najaŭnych nakładzienych na jaje sankcyj, u tym liku dla pastavak nafty. Jašče padčas prezidenctva Džo Bajdena ZŠA ŭviali sankcyi suprać bolš čym 200 tankieraŭ. Tramp ža, jaki imkniecca da mirnaha ŭrehulavańnia, raniej ustrymlivaŭsia ad nakładańnia na Rasiju novych abmiežavańniaŭ.
Pavodle infarmacyi Financial Times, Tramp prymie kančatkovaje rašeńnie adnosna sankcyj paśla viartańnia ŭ Vašynhton svajho śpiecpasłańnika Styva Uitkafa, jaki pavinien pryjechać u Rasiju 6 ci 7 žniŭnia. Kali toj vierniecca biez kankretnych vynikaŭ, adzin z surazmoŭcaŭ haziety miarkuje, što «Tramp raźjušycca».
Analityk Kievin Buk z ClearView Energy Partners miarkuje, što takija sankcyi ŭmacujuć abmiežavalnyja miery Jeŭrasajuza, jaki ŭ lipieni pryniaŭ 18-y pakiet sankcyj. Tady pad sankcyi trapili jašče 105 tankieraŭ, i ciapier ahułam jany nakładzienyja na 415 sudnaŭ. Taksama ES źmienšyŭ cenavuju stol na rasijskuju naftu z $60 da $47,6 za barel.
Jak viadoma, 29 lipienia Donald Tramp abviaściŭ novy ultymatum Rasii na 10 dzion dla taho, kab za hety čas byŭ dasiahnuty prahres u mirnym urehulavańni. Raniejšy ultymatum, na 50 dzion, pačaŭsia 14 lipienia. Kali paśla hetaha nie budzie zruchaŭ, Tramp pahražaje ŭvieści druhasnyja pošliny pamieram da 100% na handlovych partnioraŭ Rasii.
U Kramli na heta adreahavali, što sankcyi, maŭlaŭ, uvohule niezakonnyja, a razmaŭlać z Rasijaj movaj ultymatumaŭ niemahčyma. Prezident Rasii Uładzimir Pucin raniej nazyvaŭ admienu sankcyj adnoj z umoŭ mirnaha vyrašeńnia kanfliktu va Ukrainie.
Pucin nie choča złavać Trampa, ale padparadkoŭvacca jaho ultymatumu naŭrad ci budzie
Rasija razhladaje prapanovu ab «pavietranym pieramirji» z Ukrainaj, ale biez spynieńnia vajny
Tramp ličyć, što Pucin nie budzie vajavać, kali cana nafty źmienšycca jašče na 10 dalaraŭ
Łukašysty vierać, što zmohuć źniać sankcyi ni za što. Heta realna?
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary