U DAI adkazali, ci buduć uvodzić dziaržaŭnuju rehistracyju elektrasamakataŭ
U suviazi z padpisańniem Łukašenkam 5 žniŭnia ŭkaza, jaki abmiažoŭvaje chutkaść elektrasamakataŭ, siarod inšaha ŭźnikła pytańnie, ci płanujecca ŭvodzić dziaržaŭnuju rehistracyju dla srodkaŭ piersanalnaj mabilnaści (takich jak elektrasamakaty, monakoły i h. d.). Na jaho na pres-kanfierencyi adkazaŭ Načalnik hałoŭnaha ŭpraŭleńnia Dziaržaŭtainśpiekcyi MUS Biełarusi Viktar Rotčankaŭ, piša BiełTA.
Pavodle słoŭ milicejskaha čynoŭnika, na hety momant u HAI hetaje pytańnie nie ličać aktualnym. Ale kali takich pryład u Biełarusi stanie značna bolš i ŭzraście intensiŭnaść ich ruchu, to tady mohuć pačać pracavać nad uviadzieńniem rehistracyi abo inšych znakaŭ adroźnieńnia.
Nahadajem, što zhodna z ukazam №295, padpisanym Łukašenkam 5 žniŭnia, pierahledžanyja praviły karystańnia piersanalnymi mabilnymi srodkami — elektrasamakatami, siehvejami, monakołami. Udakładniena, što da ich adnosiacca pryłady z elektramatoram i maksimalnaj chutkaściu da 25 km/h.
Dla ich usich uvodziacca chutkasnyja abmiežavańni: nie bolš za 25 km/h na viełaściežkach i 10 km/h na tratuarach. Zabaraniajecca jeździć pa tratuarach na ciažkich pryładach, masa jakich pieravyšaje 35 kh.
Hetyja źmieny ŭ PDR nabyvajuć moc z 1 vieraśnia.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami72
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1010
Kamientary