Paźniak: Ofis Cichanoŭskaj lažyć hniłoj kałodaj na šlachu biełaruskaha raźvićcia i baraćby za volnuju Biełaruś
Vieteran biełaruskaha ruchu Zianon Paźniak adkazaŭ u fejsbuku na sumnievy adnaho ź jahonych padpisčykaŭ, što nacyjanalnaja biełaruskaja hramadzianskaja supolnaść zdoleje samaarhanizavacca za miažoj na vałanciorskich pačatkach. Na jahonuju dumku, šancy na samaarhanizacyju i ŭzdym jość, dy i entuzijastaŭ hetaj spravy chapaje, ale ź ich darohi musić być prybranaja surjoznaja pieraškoda.
Na dumku Zianona Paźniaka, dla dasiahnieńnia mety samaarhanizacyi treba vykonvać i ažyćciaŭlać dva praviły:
«1) Raźvićcio biełaruskaj nacyjanalnaj aśviety, pryniaćcie biełaruskaj nacyjanalnaj ideałohii i śćvierdžańnie biełaruskaj movy ŭ dačynieńniach.
2) Nacyjanalnyja supołki i palityčnyja arhanizacyi (kateharyčna) nie pavinny aryjentavacca na manietarnuju aktyŭnaść (hranty) i na finansavuju dapamohu jeŭrapiejskich fondaŭ i struktur (mahčymyja, adnak, sumiesnyja humanitarnyja prajekty).
Zadača — abapiercisia na biełaruski biznes (nacyjanalnuju buržuaziju). Takija asoby taksama jość».
U jakaści paśpiachovaha prykładu takoha kštałtu Paźniak nazyvaje «vopyt paślavajennaj biełaruskaj emihracyi, jakaja vałodała jakaściami, adznačanymi ŭ punkcie 1». U toj ža čas emihracyja 2020 hoda «atručanaja maskoŭskim upłyvam», tamu dla jaje vykanańnie hetaha punkta zapatrabuje času. Uvohule ž:
«Vielmi važna tut likvidavać hałoŭnuju pieraškodu — OSC («Ofis Śviatłany Cichanoŭskaj»), jaki lažyć hniłoj kałodaj na šlachu biełaruskaha raźvićcia i baraćby za volnuju Biełaruś».
Paśla taho vieteran biełaruskaha ruchu zaklikaje biełarusaŭ nie ŭdzielničać u arhanizavanaj Ofisam Śviatłany Cichanoŭskaj kanfierencyi «Novaja Biełaruś» u Varšavie, pryznačanaj na 9-10 žniŭnia.
«Ź ciaham času, kali samastrukturavańnie i samaraźvićcio biełaruskaj emihracyi nabudzie šyrejšy praciah i lepšy nacyjanalny ŭzrovień, tendencyi kansalidacyi pavialičacca i stanie mahčymym stvareńnie ŭsieahulnych biełaruskich pradstaŭnictvaŭ», — abiacaje Zianon Paźniak.
Ale dla hetaha pavinien jašče prajści «nieabchodny etap».
Vialikaja hutarka z Franakam Viačorkam — pra kruhły stoł z Łukašenkam, pamyłki, chejtaraŭ i hałoŭnaje dasiahnieńnie
Cichanoŭski: Paźniak zvarjacieŭ, škada čałavieka
Paźniak pierajšoŭ da abrazaŭ Cichanoŭskaha: «Istota tarabanić uvieś čas»
«Nie znajšłosia lidara, zdolnaha heta zrabić». Labiedźka raskazaŭ, kali prajhrała demakratyja ŭ Biełarusi i pry čym tut Paźniak
Paźniak asudziŭ Cichanoŭskaha: Siedziačy piać hadoŭ, možna było da biełaruskaj movy źviarnucca
Zianon Paźniak: Zaraz intaresy režymu ŭ niejkaj stupieni supadajuć z nacyjanalnymi intaresami
Kamientary