Havorka idzie pra zadniaje škło i zadnija bakavyja.
U Biełarusi dazvolili taniroŭku škła ŭ aŭtamabilach. Heta praduhledžvajecca ŭkazam Łukašenki, jaki ŭnosić źmieny ŭ Praviły darožnaha ruchu.
U pryvatnaści, dazvalajecca ŭstanoŭka žaluzi, štor i plonačnych pakryćciaŭ na bakavym (akramia piaredniaha) i zadnim škle lehkavych aŭtamabilaŭ, što było zabaroniena raniej.
Normy pa śviatłopranikalnaści niama.
Razam z tym DAI papiaredžvaje, što budzie pilna sačyć za tym, kab nie było taniroŭki na piarednim i piarednim bakavym škle.
«My zaraz budziem zajmać bolš pryncypovuju i žorstkuju pazicyju pa hetym pytańni, až da taho, što transpartny srodak budzie źmieščany na achoŭnuju stajanku, pryznany rečavym dokazam i budzie tam znachodzicca da zakančeńnia viadzieńnia administracyjnaha pracesu», — zajaviŭ kiraŭnik DAI Viktar Rotčankaŭ.
Taksama źmienieny patrabavańni da markiroŭki zimovych šyn aŭtamabila. Da takich nie buduć adnosicca vyraby z markiroŭkaj «Usie siezony».
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary