Minski restaran zakryŭsia paśla viečarynki ŭ styli ŁHBT. Prykłała ruku Bondarava
U Minsku restaran «Rya» časova spyniŭ pracu paśla taho, jak u siecivie źjavilisia fota i videa z zakrytaj viečarynki Friends Party, jakaja adbyłasia ŭ hetaj ustanovie. Adzin z praŭładnych haradskich telehram-kanałaŭ, jaki śpiecyjalizujecca na skandałach i zdareńniach, zajaviŭ, što heta była «maskiroŭka ŁHBT-ruchu», piša «Lusterka».
Na kadrach, apublikavanych 31 lipienia, bačnyja 17 mužčyn, niekatoryja ź jakich apranutyja ŭ žanočaje adzieńnie. Aŭtar pasta nazvaŭ mierapryjemstva «dreh-kvin šou» i vykazaŭ abureńnie.
Paśla hetaha «Rya» abviaściŭ pra prypynieńnie pracy — spačatku z 1 pa 4 žniŭnia, a paśla da 11 žniŭnia, tłumačačy heta «techničnymi pryčynami».
Na publikacyju źviarnuli ŭvahu praŭładnyja błohiery, siarod jakich prapahandystka Volha Bondarava, jakaja supravadžała jaje pierapost źniavažlivymi kamientaryjami i biełaruskamoŭnym pytańniem «A chapun ci budzie?»
6 žniŭnia telehram-kanał, jaki pieršym źviarnuŭ uvahu na viečarynku, paviedamiŭ, što milicyja pačała pravierku. Jak dokaz pryviali paviedamleńnie adnaho z udzielnikaŭ mierapryjemstva, jaki raskazaŭ, što jaho vyklikali ŭ RAUS. Jon padkreśliŭ, što viečarynka nie mieła nijakaha dačynieńnia da «prapahandy» ci jakich-niebudź ruchaŭ, a ŭsie abvinavačańni — biespadstaŭnyja.
10 lipienia 2025 hoda ŭrad unios u Pałatu pradstaŭnikoŭ zakonaprajekt ab źmienach u kodeksy, jakija tyčacca administracyjnaj adkaznaści. Pavodle hetaha dakumienta, prapanujecca ŭvieści štrafy za «prapahandu» homasieksualnych adnosin, źmieny połu, bieździetnaści i piedafilii.
«Ty začapiła maju radzimu — i heta podła». Repierka ź Biełarusi zapisała adkaz Instasamcy. Moładź ciapier masava zdymaje pad jaho tyktoki
Šmatdzietnaja amierykanskaja siamja ŭciakła ŭ Rasiju ad «ŁHBT-prapahandy». Muž užo trapiŭ na vajnu
U Ałmaty zasnavalnik «biaśpiečnaj ŁHBT-prastory» zhvałciŭ svajho padnačalenaha, pakul toj spaŭ
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha
Ciapier čytajuć
Pamiatajecie varjackuju honku ŭ Breście, padčas jakoj zahinuła troje? Na VIDEA z ekšn-kamiery matacyklista vidać, što jon razahnaŭsia da 186 km/h3
Kamientary