U biełaruskich sanatoryjach amal nie zastałosia miescaŭ na leta
Kala 90% miescaŭ u biełaruskich sanatoryjach na leta ŭžo zabraniravany, raskazaŭ dyrektar Respublikanskaha centra pa azdaraŭleńni i sanatorna-kurortnym lačeńni nasielnictva Hienadź Bałbatoŭski.
Bałbatoŭski adznačyŭ, što miescaŭ na lipień amal nie zastałosia, trochi lepš situacyja z žniŭniem.
«U siarednim zapaŭnialnaść i braniravańnie na maj — červień užo składaje 90%, na lipień — 96% i trochi mienš na žnivień — 83% miescaŭ zabraniravana», — adznačyŭ Bałbatoŭski.
Jon dadaŭ, što na praciahu troch letnich miesiacaŭ u biełaruskich ustanovach projduć lačeńnie i azdaraŭleńnie kala 600 tysiač čałaviek, piša BiełTA.
Z hetych 600 tysiač kala 400 tysiač buduć dzieci, jakija ŭ pieryjad dziciačaj letniaj kampanii azdaraviacca ŭ letnikach roznych typaŭ.
«Na praviadzieńnie letniaj azdaraŭlenčaj kampanii centru vydzielena dastatkovaja suma ŭ pamiery 73 miljony rubloŭ, tamu ŭsie žadajučyja i patrabujučyja dzieci projduć azdaraŭleńnie i lačeńnie padčas letnich kanikuł», — zaznačyŭ dyrektar.
Bałbatoŭski raskazaŭ, što ŭsiaho ŭ krainie kala 6 tysiač łahieraŭ roznych typaŭ, ź ich 1,5 tysiačy — z kruhłasutačnym prabyvańniem i kala 4,5 tysiačy — ź dzionnym prabyvańniem.
U hetym hodzie pucioŭki ŭ sanatoryi i łahiery padaraželi.
«Siaredni košt pucioŭki ŭ kruhłasutačny łahier składzie kala 675 rubloŭ, dziaržaŭnaja datacyja — 285, heta značyć, jana pakryje bolš za 40% koštu pucioŭki», — raskazaŭ Bałbatoŭski.
Dyrektar taksama adznačyŭ, što ŭ łahierach ź dzionnym prabyvańniem siaredniaja raźlikovaja košt składzie 145 rubloŭ, datacyja — 120 rubloŭ.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary