Krainy Jeŭropy i ZŠA hatovyja dać Ukrainie harantyi pa pryncypie 5‑ha artykuła NATA
Paśla apošnich pieramoŭ pamiž Rasijaj i Ukrainaj nivodnaje pytańnie pakul nie było kančatkova vyrašana, ale ŭ mnohich jość prahres. Pra heta zajaviŭ aficyjny pradstaŭnik Biełaha doma ŭ kamientary Sky News.
Sa słoŭ amierykanskaha čynoŭnika, prezident ZŠA Donald Tramp miarkuje, što zdolny pierakanać Rasiju pahadzicca na harantyi biaśpieki dla Ukrainy, anałahičnyja tym, što praduhledžanyja artykułam 5. Jon adznačyŭ, što ŭ Bierlinie ŭ hetym kirunku byŭ dasiahnuty peŭny prahres, adnak padkreśliŭ: takija harantyi nie buduć abmiarkoŭvacca biaskonca.
Pra toje, što krainy ES i ZŠA damovilisia ab nadańni Ukrainie harantyj biaśpieki, padobnych da piataha artykuła NATA, zajaviŭ i kancler Hiermanii Frydrych Mierc:
«Heta sapraŭdy pierśpiektyŭnaje, źmiastoŭnaje pahadnieńnie, jakoha ŭ nas raniej nie było: i jeŭrapiejcy, i amierykancy supolna hatovyja dać Ukrainie harantyi biaśpieki. Prezident Zialenski pry hetym spasłaŭsia na artykuł 5 damovy NATA — heta značyć havorka idzie pra padobnyja harantyi biaśpieki dla Ukrainy».
Amierykanski čynoŭnik taksama zajaviŭ, što paśla apošnich sustreč nazirajecca pastupovaje skaračeńnie razychodžańniaŭ pamiž Maskvoj i Kijevam, a dyskusii ab terytaryjalnych pytańniach stali bolš pahłyblenymi.
Pradstaŭnik Biełaha doma paviedamiŭ i pra toje, što Rasija nibyta moža zaniać adkrytuju pazicyju nakont ustupleńnia Ukrainy ŭ Jeŭrapiejski sajuz.
Akramia taho, jon padkreśliŭ, što Donald Tramp zastaŭsia zadavoleny vynikami pieramoŭ pamiž delehacyjami ZŠA i Ukrainy ŭ Bierlinie. Pavodle acenki krynicy, sustrečy prajšli «sapraŭdy pazityŭna», a ŭ šerahu pytańniaŭ udałosia znajści parazumieńnie.
Razam z tym było adznačana, što niekatoryja temy jašče patrabujuć dalejšaha abmierkavańnia. Taksama čynoŭnik dadaŭ, što jeŭrapiejskija pradstaŭniki pakazali siabie vielmi dobra i vykazaŭ nadzieju, što baki zmohuć nablizicca da mirnaha ŭrehulavańnia.
Pieramovy pamiž ZŠA i Ukrainaj prajšli 14‑15 śniežnia ŭ Bierlinie i doŭžylisia kala piaci hadzin. U sustrečy ŭdzielničali prezident Ukrainy Uładzimir Zialenski, śpiecpradstaŭnik prezidenta ZŠA Donalda Trampa Styŭ Uitkaf i ziać amierykanskaha lidara Džared Kušnier. Abmiarkoŭvaŭsia mirny płan, jaki składajecca z 20 punktaŭ.
ZŠA na pieramovach u Bierlinie patrabujuć addać Rasii ŭvieś Danbas
U Bierlinie zaviaršylisia pieramovy pamiž delehacyjami Ukrainy i ZŠA
Uitkaf paviedamiŭ pra značny prahres na pieramovach u Bierlinie
Zialenski: Ukraina admovicca ad ustupleńnia ŭ NATO ŭ abmien na harantyi biaśpieki
Rute: My nastupnaja cel Rasii, i my pavinny być hatovyja da vajny maštabaŭ toj, jakuju pieražyli našy babuli i dziaduli
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary
A što im zaminaje dać tyja ž harantyi, na pryncypach 5 artykuła NATO, biez admovy Ukrainaj ad zachoplenych voraham terytoryjaŭ ? Voś dakładna toje samaje budzie zaminać harantam užyć toj artykuł i ŭ vypadku padpisannia Zialenskim taho pahadniennia na ŭmovach Rasieji...
Raša skaža im, maŭlaŭ, cyc! nia rypacca, cisnu knopku... I čarhovyja harantyi iznoŭ pojduć pa viadomaj darozie i va ŭžo viadomym kirunku...