Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»
Adbyłasia razmova pa videasuviazi Viktara Babaryki i Maryi Kaleśnikavaj z premjer-ministram Litvy Inhaj Ruhinienie, paviedamiŭ telehram-kanał Viktara Babaryki.
Viktar i Maryja padziakavali premjeru za padtrymku, a taksama adznačyli, što abaviazkova pryjeduć ź vizitam, jak tolki źjavicca takaja mahčymaść.
«Jany akreślili, što važna dać šaniec dypłamatyčnym namahańniam ZŠA, u tym liku ŭ pytańniach vyzvaleńnia palityčnych źniavolenych i źnižeńnia napružanaści pamiž našymi krainami, kab paźbiehnuć novych ryzyk dla biaśpieki. Pavodle ich słoŭ, nadzvyčaj važna, kab Jeŭrapiejski sajuz i Litva dałučylisia da namahańniaŭ ZŠA i nie prapuścili akno mahčymaściej, jakoje adkryłasia», — havorycca ŭ paviedamleńni.
U ciapierašni momant Viktar Babaryka i Maryja Kaleśnikava znachodziacca na terytoryi Ukrainy i «bačać, što tam adbyvajecca». Jany adznačyli, što vielmi važna, kab Litva i Jeŭrapiejski sajuz nie adviarnulisia ad Ukrainy ŭ hety krytyčny momant, adznačajecca ŭ paście.
«Taksama Viktar i Maryja ličać nieabchodnym maksimalna zachoŭvać suviazi pamiž biełarusami i litoŭcami, pašyrać mahčymaści dla ich mabilnaści i palehčyć pierasiačeńnie miežaŭ našych krain. Čym mienš izalacyi — tym bolš uzajemnaha razumieńnia», — havorycca ŭ pres-relizie.
Vyzvalenyja biełaruskija palitviaźni parazmaŭlali ź Zialenskim
Babaryka raskazaŭ pra «kruhły stoł» u SIZA KDB i svoj chod dumak u 2020-m
Što Babaryka i Kaleśnikava adkazali na pytańni pra vajnu
Asnoŭnaje, što raskazaŭ Babaryka na pieršaj pres-kanfierencyi
Babaryka dakładna nie viedaje, jak atrymaŭ traŭmy ŭ kałonii, bo byŭ biez prytomnaści
Kaleśnikava i Babaryka skazali, što nie škadujuć pra svajo rašeńnie ŭ 2020-m
Ciapier čytajuć
Trahiedyja ŭ Barysaŭskaj balnicy: unučka pacyjenta kaža, što na jaho źviarnuli ŭvahu praz šeść hadzin, kali ŭžo piena pajšła z rota — jon pamior18
Kamientary