Ministry zamiežnych spraŭ ES uchvalili pašyreńnie sankcyjnaha režymu ŭ dačynieńni da Biełarusi
Pavodle prapanovy Litvy, režym sankcyj ES suprać Biełarusi byŭ dapoŭnieny tryma dadatkovymi kryteryjami, paviedamlaje MZS Litvy.
Ministry zamiežnych spraŭ ES 15 śniežnia ŭ Brusieli ŭchvalili pašyreńnie sankcyjnaha režymu ES u dačynieńni da Biełarusi.
Pavodle prapanovy Litvy, režym sankcyj ES suprać Biełarusi byŭ dapoŭnieny tryma dadatkovymi kryteryjami:
- za hibrydnyja ataki,
- za parušeńnie pracy krytyčnaj infrastruktury,
- za dezinfarmacyju i infarmacyjnyja manipulacyi.
Na padstavie hetych kryteryjaŭ ES budzie mieć padstavu dla ŭviadzieńnia dadatkovych indyvidualnych i siektaralnych sankcyj suprać Biełarusi.
«Ja zadavoleny tym, što Litvie ŭdałosia dasiahnuć svajoj mety — režym sankcyj ES suprać Biełarusi dapoŭnieny kryteryjami ŭ suviazi z hibrydnaj dziejnaściu. Heta daje ES instrumienty dla efiektyŭnaha i strohaha reahavańnia na škodnasnuju dziejnaść ciapier i ŭ budučyni. Hetym rašeńniem ES prademanstravaŭ nie tolki zdolnaść da palityčnaj kansalidacyi pierad vyklikami, ale i zdolnaść prymać nieabchodnyja rašeńni», — skazaŭ ministr zamiežnych spraŭ Litvy Kiastucis Budrys.
Kamientary