Supracoŭniki MNS likvidavali ŭzharańnie elektramabila ŭ stalicy, paviedamiła pres-słužba viedamstva.
U paniadziełak, 15 śniežnia, ratavalnikam pastupiła paviedamleńnie ab uzharańni elektramabila pa vuł. Varanianskaha ŭ Minsku.
Paśla pryjezdu na miesca supracoŭnikaŭ vyśvietliłasia, što z-pad transpartnaha srodku idzie dym mocnaj kancentracyi.
«Ustanoŭlena, što adbyłosia ŭzharańnie akumulatarnaj batarei. Dla jaje tušeńnia i achaładžeńnia vykarystoŭvalisia śpiecyjalnyja padkatnyja ŭstanoŭki, jakija nakiroŭvajuć vadu niepasredna ŭ korpus batarei», — paviedamili ŭ MNS.
Pažar byŭ likvidavany. Dla praduchileńnia paŭtornaha samaŭzharańnia transpartny srodak źmiaścili na dzień u śpiecyjalny mabilny reziervuar z vadoj.
U vyniku zdareńnia paškodžanyja akumulatarnaja batareja, łakafarbavaje pakryćcio kuzava, piaredniaja pravaja šyba, azdableńnie sałona. Pryčyna pažaru vyśviatlajecca.
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary