Prezident ZŠA padaŭ u sud na BBC za paklop, jaki, na jaho dumku, vyjaŭlaŭsia ŭ mantažy fraz ź jahonaha vystupu 6 studzienia 2021 hoda ŭ dakumientalnym filmie prahramy Panorama. Tramp patrabuje ad Brytanskaj viaščalnaj karparacyi piać miljardaŭ dalaraŭ, paviedamlaje BBC.
Kiraŭnictva BBC pakul aficyjna nie kamientavała fakt padačy pazovu.
U listapadzie BBC paprasiła prabačeńnia ŭ Trampa za mantaž jahonych vykazvańniaŭ, ale adchiliła patrabavańnie ab kampiensacyi, zajaviŭšy, što nie bačyć padstaŭ dla abvinavačvańniaŭ u paklopie. Pra namier padać pazoŭ suprać BBC Tramp zajaviŭ tady ž, u pačatku listapada.
«Ja dumaju, mnie varta heta zrabić. Jany schitravali. Jany źmianili słovy, jakija ja kazaŭ», — zajaviŭ Tramp žurnalistam. Paśla hetaha jon nakiravaŭ karparacyi list z pahrozaj sudovaha pazovu.
Skandał vakoł mantažu słoŭ Trampa razhareŭsia paśla taho, jak brytanskaja hazieta Telegraph apublikavała słužbovuju zapisku Majkła Preskata, byłoha niezaležnaha daradcy kamiteta BBC pa redakcyjnych standartach.
U joj Preskat źviarnuŭ uvahu kiraŭnictva BBC na toje, što ŭ adnoj z fłahmanskich prahram karparacyi Panorama pramova Donalda Trampa była zmanciravana takim čynam, što sens jaho słoŭ akazaŭsia skažonym.
U svajoj pramovie ŭ Vašynhtonie 6 studzienia 2021 hoda Tramp skazaŭ: «My pojdziem da Kapitolija i budziem padbadziorvać našych advažnych sienataraŭ i kanhresmienaŭ». Bolš čym praz 50 chvilin paśla hetaha (ŭ tym ža vystupie) jon zajaviŭ: «I my budziem zmahacca. Zmahacca z usich sił».
Ale ŭ prahramie Panorama: Trump: A Second Chance? («Tramp: Druhi šaniec?»), jakaja vyjšła ŭ efir letaś, jaho słovy byli padadzienyja tak: «My pojdziem da Kapitolija… i ja pajdu z vami. I my budziem zmahacca. My budziem zmahacca z usich sił».
Zajava pra namier «zmahacca z usich sił» była zroblenaja tady, kali Tramp havaryŭ pra toje, nakolki «skažonymi» byli vyniki prezidenckich vybaraŭ u ZŠA. U ahulnaj składanaści słovy «zmahacca» abo «zmahańnie» prahučali ŭ jaho vystupie 20 razoŭ.
BBC pryznała, što taki mantaž stvaraŭ pamyłkovaje ŭražańnie, byccam Tramp naŭprost zaklikaŭ da hvałtoŭnych dziejańniaŭ.
9 listapada hienieralny dyrektar karparacyi Cim Dejvi i dyrektar BBC News Debora Ternes padali ŭ adstaŭku.
Da taho jak Tramp padaŭ pazoŭ, jurysty BBC padrabiazna adkazali na jaho pretenzii. Jany, u pryvatnaści, zajavili, što ŭ takim mantažy nie było złoha namieru i što film nie naškodziŭ Trampu, bo toj pieramoh na prezidenckich vybarach nieŭzabavie paśla vychadu filma ŭ efir.
Akramia taho, jurysty adznačyli, što BBC nie mieła pravoŭ na pakaz hetaj prahramy na svaich amierykanskich kanałach i, adpaviedna, nie demanstravała jaje ŭ ZŠA. Film byŭ raźmieščany na ŭłasnym servisie BBC — iPlayer, ale jon dastupny tolki z terytoryi Vialikabrytanii.
Advakaty Trampa ŭ pazovie zhadvajuć pahadnieńnie BBC ź inšaj miedyjakarparacyjaj, pavodle jakoha taja, zhodna ź ich źviestkami, mieła pravy na raspaŭsiud filma za miežami Brytanii. Na hetaje śćviardžeńnie pakul nie adkazali ni BBC, ni hetaja karparacyja.
Akramia taho, u pazovie śćviardžajecca, što žychary Fłarydy mahli pahladzieć film z dapamohaj VPN abo ž na brytanskim strumienievym servisie BritBox.
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2323
Kamientary
V słučaje s Trampom oni nie na toho napali, na toho, kto možiet siebia zaŝitiť i prizvať k otvietu, a milliony faktov iskažienija informacii v otnošienii druhich lic ostajutśsia bieznakazannymi.
Ja kak.to był na priezientacii niemieckoho filiała BBC dla žurnalistov. Čto mienia tohda udiviło: oni nie skryvali, čto u nich zadača- nie kakoje.to biespristrastnoje vieŝanije, a propahanda britanskich intieriesov. A radi propahandy jestiestvienno, možno iskažať, zamałčivať nievyhodnoje. Hłavnoje čtob na priamom vrańje nie pojmali