15 śniežnia Alaksandr Łukašenka padpisaŭ ukaz, nakiravany na ŭdaskanaleńnie rehulavańnia mikrafinansavaj dziejnaści. Źmieny zakranuli šerah narmatyŭnych dakumientaŭ, paviedamlaje pres-słužba palityka.
Zhodna z ukazam, da mikrafinansavaj dziejnaści ciapier budzie adnosicca vydača hrašovych srodkaŭ pa adnoj abo niekalkich damovach mikrapazyki.
Akramia taho, prava zajmacca takoj dziejnaściu atrymali apieratary mabilnaj suviazi. Jany zmohuć vydavać spažyvieckija mikrapazyki ŭ bieznajaŭnaj formie, biez zakładu, na sumu nie bolš za 200 bazavych adzinak na adnaho pazyčalnika na momant układańnia damovy.
Kamiercyjnym mikrafinansavym arhanizacyjam, jakija adpaviadajuć patrabavańniam Nacyjanalnaha banka, dazvolena davać spažyvieckija mikrapazyki praz anłajn-servisy. Takija pazyki taksama buduć vydavacca bieznajaŭna i biez zabieśpiačeńnia, z tym ža abmiežavańniem sumy — da 200 bazavych adzinak na adnaho klijenta.
Taksama ŭviedziena dadatkovaje patrabavańnie dla niepaŭnaletnich: asoby va ŭzroście ad 14 da 18 hadoŭ zmohuć układać damovy spažyvieckaha mikrakredytu z kamiercyjnymi i śpiecyjalizavanymi arhanizacyjami tolki pry najaŭnaści piśmovaj zhody adnaho z zakonnych pradstaŭnikoŭ.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu12
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary