U vydaviectie «Papury» vyjšła kniha zbornik apaviadańniaŭ udzielnic tavarystva biełaruskich fantastaŭ «Šufladka piśmieńnika» z nazvaj «(Nia)čysty Minsk». Piatnaccać aŭtarak, piatnaccać tvoraŭ — piatnaccać roznych suśvietaŭ, paviedamlaje bellit.info
Usie apaviadańni tak ci inakš źviazanyja ź Mienskam, jaho historyjaj, admietnymi i cikavymi miaścinami. Razam z hierojami čytač pašpacyruje praśpiektami i vułkami stalicy, naviedaje Mienskaje mora i park Pieramohi, sustreniecca ź mistyčnymi i nievytłumačalnymi źjavami… Piśmieńnicy abapirajucca na biełaruskuju mifałohiju, ale nie pierakazvajuć padručniki, a stvarajuć svaje mastackija vobrazy i siužety.
Upieršyniu kniha vyjšła na rasiejskaj movie i stała nadzvyčaj papularnaj.
Aŭtary: Kaciaryna Hlinistaja, Alona Kučynskaja, Nastaśsia Harbačova, Alaksandra Haračka, Ija Palikarpava-Hilevič, Kaciaryna Strynhiel, Hanna Asokina, Vika Malikava, Anuša Zacharevič, Kaciaryna Ten, Taćciana Błochina, Marjana Dubroŭskaja, Alesia Lisoŭskaja, Nika Ajkan, Jaŭhienija Lachaviec.
Pierakład z rasiejskaj movy zrabili: Iryna Zinkievič, Palina Hryb, Jana Uładyka i Natalla Davydoŭskaja.
28 traŭnia ŭ Miensku adbudziecca prezientacyja zbonika «(Nia)čysty Minsk», dzie možna budzie sustrecca z aŭtarkami tavarystva biełaruskich fantastaŭ «Šufladka Piśmieńnika».
U prahramie abiacajuć mistučnuju atmaśfieru i znajomstva z tajamnicami stalicy, batlejku «Dom z marami», muzyčnaha hościa, rozyhryš pryzoŭ i aŭtohraf-sesiju z aŭtarkami knihi i prahlad filmu «Čorny zamak»
Miesca: kinateatr Pijanier, Miensk, vulica Enhielsa, 20
Čas: 28 traŭnia (sierada), 19:00
Uvachod: 12 rub, abaviazkovaja rehistracyja pa spasyłcy
Kupić knihu možna ŭ mienskaj kniharni «Parahraf 45» i na sajcie Oz.by.
Za ilustracyi i vokładku adkazvała Hanna Dziukava.
Ciapier čytajuć
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu10
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary