Vydaviec Raman Cymbieraŭ vypuściŭ novuju knihu Viktara Kaźko «Lońki, Vaśki, Vałodźki», jakuju skłali apaviadańni pra los padletkaŭ-dzietdomaŭcaŭ, staleńnie jakich prypała na niaprosty paślavajenny čas. Niekatoryja tvory drukujucca ŭpieršyniu, piša bellit.info.
«Hetaja kniha pisałasia ŭsio majo žyćcio: jak žyłosia, tak pisałasia, i naadvarot. Stychijna… Hetyja apaviadańni i prapanoŭvaju čytaču — upieršyniu pad adnoj vokładkaj na matčynaj movie, całkam sam z vuličnych i viaskovych, jak i asiročanaje lichalećciem vajny i miru… majo vuličnaje pakaleńnie», — piša Viktar Kaźko ŭ pradmovie da vydańnia.
Kniha składajecca z troch raździełaŭ — «Začatok», «Staleńnie», «My».
Redaktarami tekstaŭ, jakija peŭny čas vychodzili ŭ pieryjodycy, a potym skłali knihu, vystupili Barys Piatrovič, Andrej Fiedarenka i Anatol Ivaščanka. Afarmleńnie vokładki — Jana Ivaščanka.
Knihu Viktara Kaźko «Lońki, Vaśki, Vałodźki» ŭžo možna nabyć praz sajt kniger.by, a taksama ŭ kramie ŭ HC «Kupałaŭski» pad Kastryčnickaj płoščaj, ralety 41—42(stancyi mietro Kupałaŭskaja i Kastryčnickaja), čas pracy z paniadziełka da piatnicy z 11 da 18.30, subota z 11 da 17, niadziela z 11 da 16. Mahčymaja kurjerskaja dastaŭka pa Minsku, košt dastaŭki 10 rubloŭ. Raz na miesiac dastaŭka kurjeram u Varšavu i Vilniu.
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary