Hramadzianam Biełarusi zabaroniać pracavać na abjektach krytyčnaj infrastruktury ŭ Łatvii
Deputaty Siejma Łatvii ŭ čaćvier padtrymali ŭ druhim čytańni papraŭki da zakona ab nacyjanalnaj biaśpiecy, jakija praduhledžvajuć zabaronu dla hramadzian Rasii i Biełarusi na pracaŭładkavańnie abo akazańnie pasłuh u śfiery krytyčnaj infrastruktury, piša Delfi.lv.
Krytyčnaja infrastruktura — heta abjekty, sistemy abo ich častki, raźmieščanyja ŭ Łatvii, što adyhryvajuć istotnuju rolu ŭ realizacyi važnych hramadskich funkcyj, a taksama ŭ zabieśpiačeńni achovy zdaroŭja, biaśpieki, ekanamičnaha abo sacyjalnaha dabrabytu nasielnictva.
Papraŭki praduhledžvajuć, što hramadzianie Rasii i Biełarusi nie zmohuć być pracaŭładkavanyja abo akazvać pasłuhi ŭ krytyčnaj infrastruktury abo ŭ asabliva značnaj na jeŭrapiejskim uzroŭni krytyčnaj infrastruktury, kali akazańnie pasłuh uklučaje dostup da infarmacyi abo technałahičnaha abstalavańnia, istotnaha dla funkcyjanavańnia krytyčnaj infrastruktury.
Hramadzianie Rasii abo Biełarusi zmohuć vykonvać pracu ŭ krytyčnaj infrastruktury abo krytyčnaj infrastruktury jeŭrapiejskaha značeńnia tolki ŭ vyklučnych vypadkach na padstavie asobnaha dazvołu orhana dziaržaŭnaj biaśpieki.
Akramia taho, papraŭki praduhledžvajuć, što Rasija abo Biełaruś, ich hramadzianie ci zarehistravanyja ŭ Rasii abo Biełarusi jurydyčnyja asoby nie zmohuć być uładalnikami, kiraŭnikami abo sapraŭdnymi bienieficyjarami krytyčnaj infrastruktury abo asabliva značnaj u jeŭrapiejskim maštabie infrastruktury.
Taksama paddanym Rasii abo Biełarusi budzie zabaroniena zajmać pasady ŭ strukturach krytyčnaj infrastruktury i kiravańnia asabliva značnaj u jeŭrapiejskim maštabie krytyčnaj infrastrukturaj.
Z metaj umacavańnia abarony važnaj dla biaśpieki Łatvijskaj dziaržavy i hramadstva krytyčnaj infrastruktury, papraŭki praduhledžvajuć, što ŭłaśnik krytyčnaj infrastruktury, sapraŭdny vyhadanaatrymalnik abo zakonny ŭładalnik pavinien być łajalny da Łatvii i jaje Kanstytucyi, i što zabaraniajecca akazvać padtrymku, u tym liku infarmacyjnuju, asobam abo dziaržavam, jakija padryvajuć abo pahražajuć terytaryjalnaj cełasnaści, suvierenitetu i niezaležnaści abo kanstytucyjnamu ładu demakratyčnych dziaržaŭ.
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary