Samy viadomy piŭny fiestyval krainy adbudziecca 13 vieraśnia ŭ Lidzie. Arhanizatary abiacajuć nasyčanuju prahramu, padrabiaznaści jakoj pakul nie nazyvajucca, siurpryzy i vystupy zorak z roznych krain.
U hetym hodzie fiestyval, prymierkavany da Dnia horada, projdzie 13 vieraśnia, i arhanizatary ŭžo abviaścili start prodažu kvitkoŭ. Pieršyja kvitki na hała-kancert pradajucca pa canie 60 rubla, taksama dastupnyja VIP-katehoryi — 195 rubloŭ.
Dzieci da 12 hadoŭ ci rostam da 140 sm u supravadžeńni darosłych zmohuć prajści da sceny biaspłatna. Asnoŭnaja zona fiestyvalu zastajecca biaspłatnaj dla ŭsich, a taksama ŭsie žadajučyja zmohuć naviedać Muziej Lidskaha brovara biez płaty.
Fiestyval LIDBEER — adzin z najbujniejšych u Biełarusi, štohod jon źbiraje bolš za 100 tysiač haściej. Siarod zabaŭ tradycyjna abiacajuć vialiki fudkort, simvaličny ZAHS pad adkrytym niebam, dzie pary zmohuć «uzakonić» svaje adnosiny prama padčas fiestyvalu. Kulminacyjaj dnia stanie kancert na hałoŭnaj scenie na Dažynačnaj płoščy. Choć imiony artystaŭ pakul trymajucca ŭ sakrecie, arhanizatary abiacajuć zornych haściej z roznych krain.
Kamientary